Yohanes 5:15 - En Taar Weru a nunuwu' é Tontemboan

¹⁵ Wo si tou itu mangé a sé kikiiten é Yahudi, icuana sapaoka si Yesuso en sumama' isia.

Yohanes 5:15 ပူးပေါင်းရင်းမြစ်များ

Markus 1:45

Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.

Yohanes 1:19

Si anioo eng kasairian i Yohanes an tutuw sé kikiiten é tou Yahudi an Yerusalem rumu'du' piraan imam wo tou Lewi mangé mamuéi in tana'i a si Yohanes, “Si séi réén ko?”

Yohanes 4:29

“Mayoo, mangéta sérén si Tou si cumuao andumoro' im pakasa sé niéma'ku! Siao wona' si Kristus?”

Yohanes 5:10

Ampa'paan in ituo, sé kikiiten é agama Yahudi kumua a si tou si makasama'pé' itu, “Si endo anio' endo Sabat. Sa kumiit in atoran é agama Yahudi, ico ra'ica toro mangkai in tepému.”

Yohanes 5:12

Wo sé kikiiten é agama Yahudi mamuéi a si tou itu, “Si séi réén si tou rumu'du' ico, angkaien en tepému wo maya'o?”

Yohanes 5:16

Ampa'paan in itu, sé kikiiten é Yahudi rumaméji mokoi si Yesus, ampa'paan sinama'-Na si tou asi endo Sabat.

Yohanes 5:18

Sé nunuwu' itu méma' sé kikiiten é Yahudi lébé rumaméji e maté Sia, ra'icake' ampa'paan Sia ra'ica kumiit in atoran in endo Sabat, taan ka'i ampa'paan Sia icumua sa si Amang Kasuruan itu Amang-Na in esa, wo in taniitu pengapeputé-Na en owak-Na wo si Amang Kasuruan.

Yohanes 9:15

Ampa'paan in ituo, sé tou Farisi imamuéi ka'i a si tou ketounake' mai wola itu, “Tambisa réén em berenmu akar ro'nao maséré?” Isowatna, “Awéan Tou eng kumisu in lepo am berenku. Kumawus in itu, yaku minamo, wo intarépé' aku ro'nao maséré.”

Yohanes 9:25

Isowat i tou itu, “Ra'ica kailekanku sa Sia awéan kamesé-meséaan kuma'pa ra'ica. Taan eng kailekanku sapaoka indior aku wola taan intarépé' ro'nao maséré.”

Yohanes 9:30

Isowat i tou itu ai séra, “Sia e méma' im berenku ro'na maséré, taan icaéranku ra'ica kailekan iow am bisa owo Sia mai!

Yohanes 9:34

Isowat éra ai sia, “Ketoumuke' mai ico wutao ing kamesé-meséaan, wo icasalé'mu réén en sumusui icami?” Wo sia yusér éra kumesot am balé paapo'an.