Yohanes 5:10 - En Taar Weru a nunuwu' é Tontemboan

¹⁰ Ampa'paan in ituo, sé kikiiten é agama Yahudi kumua a si tou si makasama'pé' itu, “Si endo anio' endo Sabat. Sa kumiit in atoran é agama Yahudi, ico ra'ica toro mangkai in tepému.”

Yohanes 5:10 ပူးပေါင်းရင်းမြစ်များ

Matius 12:10

Am bitu awéan si esa tou eng kamana esa imapalaio, wo am bitu awéan ka'i piraan tou Farisi sé maéré-éré ing kaséaan i Yesus. Séra mamuéi ai Sia, “Ro'na réén sumama' si tou sumakit an endo Sabat?”

Markus 2:24

Wo icua é tou Farisi a si Yesus, “Séréno! Kéitu réén séra maéma' si ra'ica toro émaan asi endo Sabat?”

Markus 3:4

Wo wuéien-Na ai séra, “Si wisa e ro'na émaan asi endo Sabat? Méma' si loor kuma'pa si léwo'? Sumama' in tou kuma'pa maté tou?” Taan séra makapeneske'.

Lukas 13:14

Taan si kikiiten am balé paapo'an é agama Yahudi itu mae'bow a si Yesus ampa'paan isumama' in tou an endo Sabat. Wo icuana a sé tou keli, “Awéan enem ngando em pengatawoi, ampa'paan in ituo mayo mapasama' ai Sia asi esa endo patawoi itu, tioo asi endo Sabat!”

Lukas 23:56

Kumawus in itu séra maréng angé en tumu'tul i nanamur wo in solo mawou manam en icisu' a mayat i Yesus. Wo a si endo Sabat séra mento' am pakasa in tawoien éra, kumiit in atoran an ukum Torat.

Lukas 6:2

Taan icua é piraan tou Farisi, “Kéitu kamu maéma' si ra'ica toro pengaémaan asi endo Sabat?”

Yohanes 1:19

Si anioo eng kasairian i Yohanes an tutuw sé kikiiten é tou Yahudi an Yerusalem rumu'du' piraan imam wo tou Lewi mangé mamuéi in tana'i a si Yohanes, “Si séi réén ko?”

Yohanes 5:11

Taan isowatna ai séra, “Si Tou isumama'o yaku en rumu'du', wosama' aku mangkai in tepéku wo maya'.”

Yohanes 5:15

Wo si tou itu mangé a sé kikiiten é Yahudi, icuana sapaoka si Yesuso en sumama' isia.

Yohanes 5:16

Ampa'paan in itu, sé kikiiten é Yahudi rumaméji mokoi si Yesus, ampa'paan sinama'-Na si tou asi endo Sabat.

Yohanes 7:23

Anaé, sa kamu sumunat in tou asi endo Sabat wosama' kamu le'tek asi ukum i Musa, kéitu réén Aku icae'bow iow asalo isumama' in owak i esa tou asi endo Sabat?

Yohanes 9:16

Wo icua é piraan tou Farisi walina, “Si tou mengaéma' in itu, ra'ica asi Amang Kasuruan owo, ampa'paan sia ra'ica makiit in atoran in endo Sabat.” Taan icua é tou walina, “Si tou anio' ra'ica tou iméma' ing kamesé-meséaan. Ampa'paan sé tou iméma' ing kamesé-meséaan ra'ica kaémaan éra en tuus kakaya'kaan tanu siitu.” Wo iséra wo iséra ra'io mengkakiitan.