Yohanes 4:48 - En Taar Weru a nunuwu' é Tontemboan

⁴⁸ Icua i Yesus ai sia, “Sa ra'ipé' sinéré miow en tuu-tuus wo eng kakaya'kaan, ra'ipé' percayan iow.”

Yohanes 4:48 ပူးပေါင်းရင်းမြစ်များ

Matius 16:1

Wo mai sé piraan tou Farisi wo Saduki e mangepé' si Yesus. Pangileken éra wosama' ipapaturu'-Na ai séra esa tuus an sorga owo.

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 27:42

“Tou walina ro'na lowiren-Na taan en owak-Na in esa ra'ica kalowiran-Na! Sa Sia Kolano é tou Israel, tantu Sia tumumpao mai asi salip itu, wo in taniitu ro'na percayan ami Sia.

Markus 13:22

Ampa'paan sé mesias ra'ica wutul wo sé nabi ra'ica wutul maai oka sa. Émaan éra oka en tuu-tuus wo eng kakaya'kaan-kakaya'kaan en sumélé'kow sé tou sinisir i Amang Kasuruan.

Lukas 10:18

Icua i Yesus ai séra, “Én. Sinéré-Kuo si kikiiten é sétang ilumepok an langit owo tanuoka kilat.

Lukas 16:31

Icua i Abraham ai sia, ‘Sa ra'ica pandungen éra eng kasairian ang kitap-kitap i Musa wo sé nabi, séra ra'ica kawisa maéman, mandé ka'i awéan tou tumou sumawel am papaté e mangé mokéi ai séra.’ ”

Yohanes 12:37

Mandé ka'i kelio eng kakaya'kaan niéma' i Yesus an dior é tou Yahudi, taan Sia ra'ica émanen éra.

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 2:18

Wo Sia sunduren é kikiiten agama é Yahudi, “Ang karapi ing kawasa i séi réén Ico méma' in tanu siitu? Sa Ico awéan kawasa asi Amang Kasuruan owo, émaano mai eng kakaya'kaan tanu tuus ai cami.”

Yohanes 20:29

Wo icua i Yesus ai sia, “Ampa'paan Aku sinérémuo, akar ko mercaya. Kinamango sé tou ra'ica suméré taan mercaya.”

Yohanes 4:49

Icua i matawoi an istana ai Sia, “Tuang, mayoo angénta, oréoka si toyaangku maté.”

Kisah Para Rasul 14:3

Anaé, si Paulus wo si Barnabas mento' uré toyo' am bitu. Wo ang karapi in da'ica wana kaindé'an pengua-ngua éra en abar andumoro' in upus aitambér i Casuruan. Séra in dua winéan-Na kawasa e méma' in tuu-tuus sé ra'io icakua wo kakaya'kaan-kakaya'kaan.

Kisah Para Rasul 15:12

Kelinga in itu, pakasa sé tou am bitu makala'us menes. Wo lingan éra si Paulus wo si Barnabas sumisil andumoro' im pakasa in tuu-tuus sé ra'io icakua wo sé kakaya'kaan sé niéma' éra ampa'paano ing kawasa i Amang Kasuruan an uner é tou ra'ica Yahudi.

Kisah Para Rasul 2:19

Émaan-Ku oka ka'i eng kakaya'kaan-kakaya'kaan a mangé en dangka' an langit, wo en tuu-tuus sé ra'io cakua an darem ing kayo'baan: awéan oka enda', api wo pulu-pulut in tembur.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Kisah Para Rasul 2:43

Asi témpo itu, sé ruru'du'an itu iméma' kelian tuus kakaya'kaan wo tuu-tuus sé ra'io icakua en tumuru' ing kakawasaan i Casuruan, akar pakasa en tou maindé' wo sumiri' si Amang Kasuruan.

Kisah Para Rasul 4:30

O Kasuruan wéanai kawasa kami wosama' kami ro'na sumama' sé tou wo ro'na méma' ing kakaya'kaan wo tuu-tuus walina ang karapi i ngaran i Yesus si Ata-Mu le'nas.”

Kisah Para Rasul 5:12

Asi témpo itu, kelian tuu-tuus wo kakaya'kaan sé niéma é ruru'du'an an uner é tou keli. Wo pakasa sé tou maéman meesa en até wo tatap mali'us an Lésar Salomo am Balé Le'nas.

Kisah Para Rasul 6:8

Si Amang Kasuruan tumambérai in upus wo ing kawasa-Na a si Stefanus, ampa'paan in ituo sia méma' ing kakaya'kaan wo in tuu-tuus sé ra'io icakua an uner é tou keli.

Kisah Para Rasul 7:36

Iwali i Musa sé tou Israel kumesot an tana' Mesir, wo méma' ing kakaya'kaan wo tuu-tuus sé ra'io icakua an tana' Mesir, an Ta'sic Réindang wo an tana' kapayasan epat ngapulu' ngata'un eng kauréna.

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

1 Korintus 1:22

Sé tou Yahudi mangilek tuus kakaya'kaan owo wo séra mercaya. Sé tou Yunani maké ing kapinteran in esa e mercaya.

2 Korintus 12:12

An tutuwku mewali-wali wo icamu, sinéréo miow in esa en tuus sapaoka aku anio' ruru'du'an, ampa'paan niéma'kuo sé tuus wo sé kakaya'kaan wo sé pengéma-ngémaan wangko'. Niéma'ku pakasa en itu ang karapi in talesen.

2 Tesalonika 2:9

Wo si tou luméwo-léwo' itu mapaturu' mai maké ing kawasa i kikiiten é sétang wo sia muwak sé tou ang karapi in tumuru' in tuu-tuus kakaya'kaan sé kalinteren wo kala'meren oka mai.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.