Yohanes 4:46 - En Taar Weru a nunuwu' é Tontemboan

⁴⁶ Wo si Yesus mai sumawel ang kota Kana ang Galilea. Am bitu Sia sumangkumo méma' in dano mamuali anggor. Eng Kana mentawian wo eng kota Kapernaum. Asi témpo itu ang Kapernaum awéan esa toyaang tuama sumakit, toyaang i matawoi an istana.

Yohanes 4:46 ပူးပေါင်းရင်းမြစ်များ

Matius 15:22

Wo mai si esa wéwéné Kanaan si an sangkum itu owo wo kumua, “Icaupusai aku é Tuang, taranak i Daud, ampa'paan si toyaangku wéwéné rinasuk i sétang wo wenduo keli.”

Matius 4:13

Wo itela'u-Na e Nazaret wo mento' ang Kapernaum, an tembir in lour Galilea an sangkum in Zebulon wo Naftali.

Matius 9:18

Ang karoro'an i Yesus maroma' a sé murit i Yohanes Mabaptis, wo mai ai Sia si capala im balé paapo'an é agama Yahudi. Si tou itu kumuru en sumiri' Sia wo kumua, “Guru, si toyaangku wéwéné makapatépé'. Taan pekiupusenku sa woo ro'na si Guru mai am baléku wo maro ing kama ai sia, wosama' sia ro'na tumou sumawel.”

Lukas 4:23

Wo icua i Yesus ai séra, “Tantu icua oka miow a Yaku si andéan anio', ‘Éi dokter, samaano mio' en owak-Mu in esa.’ Icua miow in taniitu ampa'paan liningao miow sapaoka Aku iméma'o ing kakaya'kaan ang kota Kapernaum wo en itu musti émaan-Ku ka'i an doong-Ku in esa.”

Lukas 7:2

Am bitu, awéan si kikiiten é sanga atus suraro Romawi, makaanu esa ata si paupu-upusna. Si ata itu sumakit repet wo mepaté-patéo.

Lukas 8:42

ampa'paan si toyaangna wéwéné si toyaang esa-esa, mepaté-patéo. En umur i toyaang itu wona' sangapulu' rua ngata'un. Ang karoro'an i Yesus maangé am balé i Yairus, keli en tou meréngké-réngké'an an duru-Na.

Yohanes 2:12

Kumawus in itu si Yesus mangé ang Kapernaum mewali-wali wo si inang-Na, tua-tuari-Na tuama wo sé murit-Na. Séra mento' am bitu wayake' im pira ngando.

Yohanes 21:2

Asi sangando, si Simon Petrus, Tomas si pengatuulen Didimus, si Natanael tou Kana ang Galilea, sé rua toyaang i Zebedeus, wo sé rua murit walina, séra im baya imali'us an tembir in lour itu.