Yohanes 4:42 - En Taar Weru a nunuwu' é Tontemboan

⁴² Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”

Yohanes 4:42 ပူးပေါင်းရင်းမြစ်များ

Matius 1:21

Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Lukas 2:32

Wo Sia tanu in sendot si aiwéé i Amang Kasuruan en tumélang in até é tou walina wosama' séra ro'na mai a si Amang Kasuruan, wo ka'i en sendot itu e méma' sé tou-Mu Israel ro'na irayo é tou walina.”

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Yohanes 11:17

An tutuw i Yesus icateka'o, kalingaan-Na si Lazarus imatéo wo epato ngando an untep ing kubur.

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 4:29

“Mayoo, mangéta sérén si Tou si cumuao andumoro' im pakasa sé niéma'ku! Siao wona' si Kristus?”

Yohanes 4:41

Makakelio sé tou iluminga in sususuien-Na wo mercaya ai Sia.

Kisah Para Rasul 13:23

Wo kiit in janji i Amang Kasuruan, asé taranak i Daud owo aituru'-Nao esa Tou en Lumowir sé tou Israel, Siao si Yesus.

Kisah Para Rasul 4:12

Si Yesuske' e ro'na lumowir sé tou. Ampa'paan ra'ica wana ngaran walina ang kayo'baan anio' e ro'na lumowir sé tou.”

Kisah Para Rasul 5:31

Wo angkaien-Na mangé si Yesus ang karapi ing kama kakan-Na an tampa pasiri-siriin, wosama' sé tou Israel ro'na mape'dis wo makéré ing kaampungan ang kamesé-meséaan.

2 Korintus 5:19

Si anioo en abar si ipakua ami: Si Amang Kasuruan iméma' sé tou ang kayo'baan meeluran wo Sia ampa'paan si Kristus si maté ang kayu salip. Niéma'-Na en itu ang karapi ra'ica mena'né-na'néi ing kamesé-meséaan éra. Wo yutus-Na kami eng kumua in abar ing kaeluran anio' a sé tou walina.

1 Timotius 4:10

Siituo imangémai kita rumaméji mauli-ulit re'dem mengaselewir a si Amang Kasuruan. Kita méma' in taniitu ampa'paan kita asaloke' mamangén a si Amang Kasuruan si menonou. Sia itu si méé mai ing kalowiran a sé pakasa in tou, lébé-lébépé' ka'i a sé tou maéman.

1 Yohanes 2:2

Sia imaté mamuali raragés wosama' pakasa eng kamesé-meséaanta ro'na ampungan-Na. Wo ra'ica ing kamesé-meséaantake' en ampungan, taan ka'i eng kamesé-meséaan é pakasa in tou ang kayo'baan anio'.

1 Yohanes 4:14

Wo sinéréo ami in esa wo sinairi ami sa si Amang imutuso si Toyaang-Na mai lumowir ing kayo'baan anio'.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.