Yohanes 4:3 - En Taar Weru a nunuwu' é Tontemboan

³ An tutuw ing kailekano i Yesus sapaoka sé tou Yahudi ang golongan Farisi ilumingao in abar itu, itela'u-Na en Yudea wo maréng angé an sangkum ing Galilea.

Yohanes 4:3 ပူးပေါင်းရင်းမြစ်များ

Matius 10:23

Sa kamu okoien é tou an esa kota, tumincaso mangé ang kota walina. En ulitna icua-Ku mangé ai camu, ra'ipé' pinakaangéan iow waya eng kota-kota an Israel, si Toyaang i Tou imayo.

Markus 3:7

Si Yesus wo sé murit-Na tumela'u in tampa itu wo mangé an lour Galilea. Sé tou keli makii-kiit Sia, séra ra'ica asaloke' ang Galilea owo, taan ka'i an Yudea owo,

Lukas 17:11

Am bawayaan i maangé an Yerusalem, si Yesus maya' kumiit in supu an sangkum in Samaria wo eng Galilea.

Yohanes 1:43

Asi woondona mai si Yesus musé' e maangé an sangkum ing Galilea. Taan Sia mangé meta'up owo wo si Filipus, icua-Na ai sia, “Mayo kumiito mai Yaku.”

Yohanes 10:40

Wo si Yesus mangé ka'i an lewet angé in doyongan Yordan, an tampa i Yohanes indior mengabaptis sé tou. Wo Sia mento' am bitu.

Yohanes 11:54

Ampa'paan in itu, si Yesus ra'io mapaturu-turu' ka'i a sé tou keli an uner é tou Yahudi. Itela'u-Na en Yerusalem wo Sia mangé ang kota makangaran Efraim si menduruan wo en tana' kapayasan. Sia mento' am bitu mewali-wali wo sé murit-Na.

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

Yohanes 3:22

Kumawus in itu, si Yesus wo sé murit-Na tumela'u in Yerusalem wo mangé an tampa walina an Yudea. Sia mento' a mangé mbitu mewali-wali wo iséra wona' pira témpoke' eng kauréna wo mengabaptis sé tou.

Yohanes 3:32

Sia sumairi andumoro' sapa sé sinéréo wo sapa sé lininga-Nao, taan ra'ica ka'i wana esa tou e mercaya sé ipengua-ngua-Na itu.

Yohanes 4:47

An tutuw lininganna si Yesus si an Yudea owo wo icateka'o mai ang Galilea, wo sia mangé a si Yesus ang kota Kana wo mekiupus sa woo si Yesus maai ang Kapernaum en sumama' si toyaangna sumakit wo tawio maté.

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.