Yohanes 4:19 - En Taar Weru a nunuwu' é Tontemboan

¹⁹ Icua i wéwéné itu ai Sia, “O, asi oras anio' kailekankuo si Tuang uli-ulit nabi.

Yohanes 4:19 ပူးပေါင်းရင်းမြစ်များ

Matius 21:11

Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Lukas 24:19

Wo wuéien ka'i i Yesus ai séra, “Sapa réén e imamuali?” Isowat éra, “Andumoro' si mamuali a si Yesus Tou Nazaret. Sia Nabi, e nunuwu'-Na wo em pengaémaan-Na uli-ulit wuta ing kawasa an dior i Amang Kasuruan wo an dior é tou.

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Yohanes 4:18

Ampa'paan ko makalimao kinawéng, wo intarépé' si tuama mewali-wali wo ico itu, ra'ica ka'i penanaanmu. Anaé, si aicuamu, ico ra'ica wana penanaan, en itu wutul.”

Yohanes 4:29

“Mayoo, mangéta sérén si Tou si cumuao andumoro' im pakasa sé niéma'ku! Siao wona' si Kristus?”

Yohanes 6:14

An tutuw é tou itu isuméré in tuus kakaya'kaan niéma' i Yesus, icua éra, “Sia anio' wutu-wutul Nabi i Amang Kasuruan si aijanjio maai ang kayo'baan anio'!”

Yohanes 7:40

Keli en tou makalinga i nunuwu' i Yesus, wo an uner éra awéan e makua, “Sia anio' wutu-wutul nabi si paento-entoonta.”

Yohanes 9:17

Wo sé tou Farisi mamuéi ka'i a si tou itu, “Ico si tou wola si niéma'-Nao ro'na maséré, tambisa réén sa iciit ico andumoro' i Tou itu?” Isowatna ai séra, “Sia itu nabi.”