Yohanes 4:16 - En Taar Weru a nunuwu' é Tontemboan

¹⁶ Icua i Yesus ai sia, “Mangé towanai si penanaanmu, wo kamu in dua maréngai sumawel am bia'i.”

Yohanes 4:16 ပူးပေါင်းရင်းမြစ်များ

Yohanes 1:42

Kekawus in itu si Simon iwali i Andreas a si Yesus. Wo téintengen i Yesus si Simon wo icua-Na ai sia, “Ico si Simon toyaang i Yohanes. Ico ngaranan-Ku oka ‘Kefas’. (Kefas puté wo i ‘Petrus’ eng kaangéanna, watu enté').”

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

Yohanes 4:15

Icua i wéwéné itu ai Sia, “Sa taniitu, wééo mai a yaku en dano itu, wosama' aku ra'io ka'i maré'om wo ra'io sangali maréngai e mindo rano asi parigi anio'.”

Yohanes 4:17

Isowat i wéwéné itu ai Sia, “Yaku ra'ica wana penanaan.” Wo icua i Yesus ai sia, “Wutul si aicuamu sapaoka ko ra'ica wana penanaan.

Yohanes 4:18

Ampa'paan ko makalimao kinawéng, wo intarépé' si tuama mewali-wali wo ico itu, ra'ica ka'i penanaanmu. Anaé, si aicuamu, ico ra'ica wana penanaan, en itu wutul.”

Ibrani 4:13

Ra'ica wana mandé esake' mahluk en icaenep am beren i Amang Kasuruan. Sapa-sapake' makawuka-wuka' wo kaséré-séréan an dior-Na, wo ai Siake' kita méé im panowaten asé im pakasa sé niéma'ta.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.