Yohanes 4:12 - En Taar Weru a nunuwu' é Tontemboan

¹² Em parigi anio' indior niéma' i Yakub amang é apo-apo' ami wo awéané' akar intarépé'. Sia in esa imelepo in dano asi parigi anio', taniitu ka'i sé toyaangna wo sé binatang papiaranna. Tumambisa réén si Tuang ro'na méé rano si lumoorai wo si rano nielepo i Yakub apo' ami? Si Tuang réén en lébé wangko'mai wo sia?”

Yohanes 4:12 ပူးပေါင်းရင်းမြစ်များ

Matius 12:42

Asi endo kaka'puan ing kayo'baan, si ratu Syeba a mékona owo touen oka sumawel mewali-wali wo icamu sé menonou intarépé', wo sia oka e makim icamu. Ampa'paan si ratu itu mai an tempok ing kayo'baan owo en luminga ing kapinteran i Salomo. En ulitna, Yaku am bia'i lumébémai wo si Salomo, taan ra'ica kiim iow luminga Yaku!”

Yohanes 4:13

Isowat i Yesus ai sia, “Si séike' e melep in dano anio', tantu sia maré'om oka sumawel.

Yohanes 4:20

Sé apo-apo' ami tou Samaria, indior mengaapo' a si Amang Kasuruan am bawo ing kuntung anio', taan ipakua é tou Yahudi an Yerusalemke' en tampa é tou mengaapo' a si Amang Kasuruan.”

Yohanes 4:5

Wo Sia icateka' an esa kota an sangkum in Samaria, e ngaran ing kota itu Sikhar. Eng kota itu mentawian wo en tana' si aiwéé i Yakub indior a si toyaangna Yusuf.

Yohanes 4:6

Am bitu awéan esa parigi i Yakub. Si Yesus mala'léo keli ampa'paan tayang em binayaan-Na, ampa'paano in itu Sia lumukut an tembir im parigi. An tutuw itu wona' katoorao i yéndo.

Yohanes 8:53

Tambisa réén Ko kumua in taniitu? Ico réén en lébé wangko' mai wo si apo' ami Abraham? Sia imatéo, wo sé nabi ka'i matéo. Sa kumiit Ico si séi réén Ko?”

Ibrani 3:3

Taan si Yesus em patus pengasiriin ilumébé mai wo si Musa, puté si tou mawangun im balé, sia em patus pengasiriin wo taré si walé itu.