Yohanes 3:7 - En Taar Weru a nunuwu' é Tontemboan

⁷ Tioo ko mangaya'ka', sa icua-Ku sapaoka icamu im baya musti touen weru.

Yohanes 3:7 ပူးပေါင်းရင်းမြစ်များ

Yohanes 3:12

Yaku ra'ica pinercaya miow an tutuw-Ku i mapaar ai camu andumoro' sé ang kayo'baan anio'. Tambisa réén percayan iow Aku sa Aku numuwu' andumoro' sé an sorga?

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:6

En owakta anio' tumou asi matu'ata, taan e rohta itumou asi Roh i Amang Kasuruan owo.

Yohanes 3:8

Si esa wo si esa tou si tumou asi Roh i Amang Kasuruan, ra'ica makailek tambisa e Roh-Na itu matawoi. En itu ro'na ipeputé wo in deges si mengareges am bisa-wisa wo téngéna ke' si ro'na kalingaanmu taan ra'ica kailekanmu am bisa owo en deges itu imai wo am bisa en angéanna.”

Yohanes 5:28

Tioo kamu mangaya'ka' in aicua-Ku anio', ampa'paan maai oka en témpona pakasa en tou sé aicuburo luminga oka in suara-Ku,

Kolose 1:12

wo makua ka'i mangé i makapulu'sama' a si Amang, si Amang Kasuruanta ang karapi in arui, ampa'paan Siao e méma' icamu patus makéré im bagéan ang kakolanoan in sendot-Na si aitu'tul-Nao a sé tou le'nas.

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

Wahyu 21:27

Taan sapake' mangé sé najis kuma'pa sé tou mengaéma' sé karican oka mai kuma'pa kotowo ra'ica toro muntep asi kota itu. Sé ro'na muntep asi kota itu, wayake' sé tou e ngaran éra aipatico an untep ing kitap katouan i Toyaang i Domba itu.