Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohanes 3:6 - En Taar Weru a nunuwu' é Tontemboan

6 En owakta anio' tumou asi matu'ata, taan e rohta itumou asi Roh i Amang Kasuruan owo.

အခန်းကိုကြည့်ပါ။ ကော်ပီ




Yohanes 3:6
25 ပူးပေါင်းရင်းမြစ်များ  

Séra mamuali toya-toyaang i Amang Kasuruan ra'ica ampa'paan é matu'a éra, kuma'pa im basa wo ing kasalé'an i tou. Taan si Amang Kasuruan in esa e méma' iséra mamuali toya-toyaang-Na.


Tioo ko mangaya'ka', sa icua-Ku sapaoka icamu im baya musti touen weru.


Kailekanku ra'ica wana sé loor an owakku, iciit ing katouanku in tou. An owakku awéan eng kasalé'an e méma' sé loor, taan en itu ra'ica kawooanku iméma'.


Makapulu'sama' a si Amang Kasuruan ampa'paan Siao en lumowir yaku ampa'paano i Yesus Kristus Apo'ta. Anaé tana'i, en atéku masalé' kumiit in ukum i Amang Kasuruan, taan en owakku pakakawasané' ing kamesé-meséaan.


Ampa'paan, indior kita menonoué' makiit ing kasalé'anta sé léwo'. An tutuw itu kita pakakawasané' ing kasalé'an léwo' itu, wo kailekanta en itu suméa' ampa'paan aipatic an ukum Torat, taan eng kasalé-salé'an itu tatap matawoi an owakta akar kita méma' ing kamesé-meséaan si makawali cita am papaté.


Ampa'paan, sa kamu menonou mengakiit ing kasalé'an in owak in esa, kamu makéré oka ukuman icatané a si Amang Kasuruan akar ing kauré-uré. Taan sa yento' miow mengéma-ngéma' ing kasalé'an in owak maké ing kawasa i Roh-Na, kamu menonou oka ang karapi-Na akar ing kauré-uré.


Taan sa si tou meesao ang karapi i Apo' Yesus, e roh i tou itu mamualio esa ang karapi i Roh-Na.


Anaé, si séike' si maesao wo si Kristus, sia wutu-wutul mamualio tou weru. Em peri ing katouan uré ra'io wana ka'i. Pakasa eng katouanna imaweruo waya.


Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.


En ulitna indior icita im baya ka'i meputé wo sé tou ra'ica le'tek itu, ampa'paan kita makiité' ing kasalé'an in owak sé ra'ica wutul, asalo maarui in owak wo asalo memero-merot in léwo'. Kita anio' sé tou patus ukumen i Amang Kasuruan kaputé é tou walina.


Wo kamu sé meesao wo si Kristus, kamu itu tanu sinunato. Wo en sunat itu ra'ica sunat e niéma' é tou, taan en sunat si niéma' i Kristus, ampa'paan em peri ing kamesé-meséaan an owak iow pinokolo i Kristus.


En tou si mamualio toyaang i Amang Kasuruan, sia itu ra'- io mengéma-ngéma' ing kamesé-meséaan ampa'paan em peri i Amang Kasuruan menonou an owakna. Sia ra'io ka'i mengéma-ngéma' ing kamesé-meséaan, ampa'paan sia imamualio toyaang-Na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ