Yohanes 3:34 - En Taar Weru a nunuwu' é Tontemboan

³⁴ Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Yohanes 3:34 ပူးပေါင်းရင်းမြစ်များ

Matius 12:18

“Séréno, si anioo si Ata-Ku si sinisir-Ku, si caupus-Ku, Sia itu mengaarui in até-Ku. Iwéé-Ku oka e Roh-Ku ai Sia, wo Sia oka eng kumua sapaoka si Amang Kasuruan maai oka makim sé bangsa ra'ica tou Yahudi ang karapi ra'ica mengarapit.

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Yohanes 1:16

Wo en upus-Na ra'io ka'i icakua. Wo ampa'paan in upus-Na itu akar kita ra'ica mento' makéré ing kamang si lumepe-lepet.

Yohanes 15:26

Taan yutus-Ku oka ai camu si Matawang asi Amang owo. Siao si Roh Le'nas si maali icamu asi sususuien wutul andumoro' i Amang Kasuruan. An tutuw-Na i maai, Sia méé oka ing kasairian andumoro' Yaku.

Yohanes 16:7

Taan en aicua-Ku anio' wutul, lébé awéan eng katoronaan ai camu sa Aku maangém a si Amang, ampa'paan sa Aku ra'ica maangé, si Roh Matawang itu ra'ica kawisa maai ai camu. Taan sa Aku maangém, yutus-Ku oka mai Sia ai camu.

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Yohanes 5:26

Ampa'paan si Amang-Ku palemboian ing katouan, niéma'-Na ka'i si Toyaang-Na mamuali palemboian ing katouan.

Yohanes 7:16

Isowat i Yesus ai séra, “Sé ipasusui-Ku anio', ra'ica sususuien a Yaku owo in esa, taan en anio' sususuien asi Amang Kasuruan owo si mutusai Yaku.

Yohanes 8:40

Aicua-Kuo ai camu en sususuien wutul sé lininga-Ku asi Amang Kasuruan, taan intarépé' kamu rumaméji maté Yaku. Si Abraham ra'ica kawisa méma' in tanu siitu.

Yohanes 8:47

Sé tou asi Amang Kasuruan owo mengalinga sapa sé ipakua-Na. Taan ra'ica pengalingan iow sapa sé ipakua-Na ampa'paan kamu ra'ica ai Sia owo.”

Kisah Para Rasul 1:2

akar asi endo Sia icaangkai angé an sorga. Ra'ipé' icaangkai angé si Yesus an sorga, Sia si pakakawasan i Roh Le'nas si mééo perénta sapa e musti émaan é ruru'du'an sé sinisir-Na.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

Kolose 1:19

Ampa'paan icasalé' i Amang Kasuruan, sapaoka pakasa em peri-Na awéan an owak i Kristus ang karapi in lekep.

Kolose 2:9

Anaé, kamu tioo katawéran in sususuien itu, ampa'paan pakasa em peri i Amang Kasuruan awéano an owak i Kristus ang karapi in lekep.

Wahyu 21:6

Icua-Na ka'i a yaku, “Pakasa imamualio. Yakuo si Alfa wo si Omega, si Kumataré wo si Ka'karan. Si séike' si maré'om, sia wéan-Ku oka elepen si asalo aitambér, asi palemboian in dano si mawéé ing katouan.

Wahyu 22:1

Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba,