Yohanes 3:33 - En Taar Weru a nunuwu' é Tontemboan

³³ Taan si séike' si tou si mercaya sé ipengua-ngua-Na itu tantu pinangakunao sapaoka si Amang Kasuruan itu wutul.

Yohanes 3:33 ပူးပေါင်းရင်းမြစ်များ

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Yohanes 8:26

Keliané' sé icasalé'-Ku icua andumoro' icamu wo ing kameséaan iow, taan ra'ica kiim-Ku kumua in itu. En icua-Ku asaloke' sapa sé lininga-Ku asi Amang Kasuruan. Ampa'paan Sia si mutusai Yaku itu wutul.”

Roma 15:28

Wo sa en doit itu aisarakankuo waya ai séra, kumawus in itu aku maangém an Spanyol taan tumuli owo ang kota miow.

Roma 4:11

Anaé, an tutuw i Abraham ra'ipé' sinunat, sia maémano a si Amang Kasuruan. En sunat itu asalo tuus sapaoka si Abraham tinerima i Amang Kasuruan wo nianggap-Na wutul ampa'paan maéman ai Sia. Anaé, si Abraham tinerima i Amang Kasuruan an tutuw sia ra'ipé' sinunat. Ampa'paan in ituo sia mamuali amang im pakasa é tou maéman mandé ka'i sé tou maéman itu ra'ica sinunat. Wo ampa'paano im paémanen éra, séra nianggap wutul i Amang Kasuruan.

1 Korintus 9:2

Mandé ka'i sé tou walina ra'ica mangaku sa aku ruru'du'an i Yesus, taan pengaakun iow aku anio' ruru'du'an-Na. Ampa'paan kamu maémano a si Apo' Yesus, mamualio tuus sapaoka aku anio' ruru'du'an-Na.

2 Korintus 1:18

Sa aku jumanji ang karapi i ngaran i Amang Kasuruan si le'tek, en janjiku ai camu itu ra'ica maru-rua wasa.

2 Korintus 1:22

wo isumégél icita tanu tuus anu-Na. Wo Siao e méé mai si Roh Le'nas an atéta tanu titimboian sapaoka iwéé-Na oka pakasa sé aijanji-Na ai cita.

Efesus 1:13

Taniitu ka'i camu tou ra'ica Yahudi sé lumingao in sususuien wutul i Amang Kasuruan, siituo en Abar Kaaruien si mengawéé ing kalowiran ai camu. Wo an tutuw iow maémano a si Kristus, tinerimao miow e Roh Le'nas si aijanji-Na tanu tuus kamu imamualio tou-Na.

Efesus 4:30

Tioo pengaémaan iow si Roh Le'nas i Amang Kasuruan itu masusa. Ampa'paan si Roh Le'nas itu mamuali tuus sapaoka icamu itu anu i Amang Kasuruan akar asi endo Sia maai sumawel en lumowir icamu.

2 Timotius 2:19

Taan em patuuran niéma' i Amang Kasuruan ulit keter. Em patuuran itu aipatic in tana'i, “Katuusan i Casuruan sé tou-Na” wo “Si séike' mangé sé maapo' a si Casuruan, mentoo mengéma-ngéma' in léwo'.”

Ibrani 6:17

Si Amang Kasuruan kumeter in janji-Na a sé tou ang karapi in sumpa wosama' séra sé tumerima in janji-Na itu ro'na mercaya sapaoka Sia ra'ica rumoba im pawasa-wasan-Na.

1 Yohanes 1:10

Sa icuata sapaoka kita ra'ica kawisa mako méma' ing kamesé-meséaan, en itu meputéo icuata Sia itu kotowo wo en Taar-Na ra'ica an atéta.