Yohanes 3:32 - En Taar Weru a nunuwu' é Tontemboan

³² Sia sumairi andumoro' sapa sé sinéréo wo sapa sé lininga-Nao, taan ra'ica ka'i wana esa tou e mercaya sé ipengua-ngua-Na itu.

Yohanes 3:32 ပူးပေါင်းရင်းမြစ်များ

Matius 7:8

Ampa'paan susur en tou i mangilek tumerima oka, wo susur in tou i mangéré makéré oka, wo susur in tou en tuméngkor im papalen wukaan oka.

Yohanes 1:11

Sia mai a sé tou-Na Yahudi taan Sia ra'ica tinerima éra.

Yohanes 15:15

Kamu ra'io ka'i tuulen-Ku ata, ampa'paan ra'ica kailekan i ata sapa en émaan i tuangna. Taan kamu patuulen-Ku kara-karapi, ampa'paan aicua-Kuo waya ai camu sapa-sapake' sé lininga-Kuo asi Amang-Ku.

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Yohanes 3:11

En ulitna icua-Ku mangé ai co, ipakua ami sapa sé kailekan ami, wo em pasairi ami sapa sé sinéréo ami, taan kamu sé kikiiten é tou Yahudi ra'ica kiim tumerima ing kasairian ami.

Yohanes 3:26

Wo sé muritna itu mai a si Yohanes wo kumua andumoro' si Yesus, “Tuang Guru, kata'néiané' i guru si Tou si sumangkumo mewali-wali wo si guru an lewet in doyongan Yordan? Si Tou itu si aicua i guru tanu Mesias. Intarépé' Sia ka'i mengabaptis sé tou wo kelio tou sé mangé ai Sia.”

Yohanes 3:33

Taan si séike' si tou si mercaya sé ipengua-ngua-Na itu tantu pinangakunao sapaoka si Amang Kasuruan itu wutul.

Yohanes 5:20

Ampa'paan si Amang mengaupus Yaku Toyaang-Na wo ituru'-Na a Yaku pakasa sé niéma'-Na in esa. Wo ka'i ituru' oka i Amang-Ku a Yaku en tatawoi sé lébé wangko' mai wo sumama' si tou sumakit, akar kamu mangaya'ka'.

Yohanes 8:26

Keliané' sé icasalé'-Ku icua andumoro' icamu wo ing kameséaan iow, taan ra'ica kiim-Ku kumua in itu. En icua-Ku asaloke' sapa sé lininga-Ku asi Amang Kasuruan. Ampa'paan Sia si mutusai Yaku itu wutul.”