Yohanes 3:31 - En Taar Weru a nunuwu' é Tontemboan

³¹ Sia si mai an dangka' owo ilumébémai asé pakasa in tou ang kayo'baan anio'. Sé tou mai asi kayo'baan owo asalo mengakua in andumoro' sé ang kayo'baan. Taan Sia si mai an sorga owo lumébémai asé pakasa in tou.

Yohanes 3:31 ပူးပေါင်းရင်းမြစ်များ

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Yohanes 1:15

Asi makasa, si Yohanes Mabaptis méé ing kasairian andumoro' si pakua in Taar itu. Icuana ang karapi in taangko' tana'i, “Si anioo Sia si sumangkumo aicuaku ai camu! Indior aicuaku, ‘Awéan oka e maai kekawus yaku. Sia en lébé iparangka' mai wo yaku, ampa'paan ra'ipé' itumou aku Sia awéano.’ ”

Yohanes 1:27

Siao si maai kekawus yaku, taan Sia en lébé parangka' mai wo yaku akar muka'ke' in tali in sapatu-Na yaku ra'ica patus.”

Yohanes 1:30

Siao si sumangkumo aicuaku indior, sapaoka Sia si maai kekawus yaku, Siao en lébé iparangka' mai wo yaku ampa'paan ra'ipé' itumou aku, Sia awéanno.

Yohanes 3:30

Sia musti iparangka-rangka', wo yaku musti ipawawa-wawa'.”

Yohanes 6:33

Eng kakanen wutul si aiwéé mai i Amang Kasuruan itu tumumpa mai an sorga owo akar méma' i tou ang kayo'baan anio' menonou akar ing kauré-uré.”

Yohanes 6:51

Yakuo eng kakanen si mawéé ing katouan si tumumpao mai an sorga owo. Sa si tou kuman ing kakanen anio', sia menonou oka akar ing kauré-uré. Eng kakanen si wéé-Ku itu, siituo en owak-Ku si iwéé-Ku oka a sé tou ang kayo'baan wosama' séra ro'na menonou akar ing kauré-uré.”

Yohanes 8:23

Wo icua i Yesus ai séra, “Kamu anio' a mio'na owo, taan Aku an dangka' owo. Kamu asi cayo'baan anio' owo, taan Aku ra'ica.

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

Ibrani 9:1

Asi perjanjian kataré si niéma' i Amang Kasuruan ang karapi é tou Israel, awéan atoran-atoran andumoro' i mengaapo' wo im paapo'an le'nas si niéma' in tou.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.

1 Yohanes 4:5

Sé nabi ra'ica wutul itu ang kayo'baan owo, ampa'paan ituo em pakua éra asaloke' andumoro' ing kayo'baan. Wo sé tou menonou ang kayo'baan sé ra'ica makatuus si Casuruan asaloke' mengalinga iséra.

Wahyu 19:16

An juba-Na wo am parangkéi-Na pinatican esa ngaran tana'i, “Kolano im pakasa é kolano wo Kasuruan im pakasa é kasuruan.”