Yohanes 3:25 - En Taar Weru a nunuwu' é Tontemboan

²⁵ Sé murit-murit i Yohanes meindo-indoan roma' wo si esa tou Yahudi walina andumoro' i mu'as in owak iciit in atoran an agama Yahudi.

Yohanes 3:25 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Markus 7:8

Em perénta i Amang Kasuruan ra'ica pengakiiten iow, taan em perénta sé niéma' é tou pengakiitan iow.”

Yohanes 2:6

Am bitu awéan enem tampayang papumpunan in dano sé ipatu'tul ing kaperluan pengawu'as iciit ing kanaramen é tou Yahudi. Esa wo i esa tampayang itu papumpunan in dano wona' sangaatus liter.

Ibrani 6:2

kuma'pa sususuien in andumoro' im baptisan, sususuien in andumoro' i maro ing kama am bawo in do'kos, sususuien in andumoro' sé tou imaté tumou sumawel, wo sususuien in andumoro' in ukuman akar ing kauré-uré.

Ibrani 9:10

Ampa'paan sé atoran asi ipakaapo' uré itu asalo andumoro' in owak in tou, tanumai atoran andumoro' ing kakanen, in elepen wo mengaweresi in owak, taan sé atoran itu ra'ica andumoro' in até in tou. Sé atoran itu pengapakén akarke' asi oras em perjanjian weru itu awéano.

Ibrani 9:23

Ampa'paan in itu en ténda paapo'an wo pakasa im pakakas sé pengapakén am bitu, musti le'nasen in enda' i binatang. Wo en ténda paapo'an wo em pakakas sé pengapakén ang kayo'baan tanuke' modél sapa sé an sorga. Anaé, sa en ténda ang kayo'baan musti le'nasen in enda' i binatang, ténda an sorga musti le'nasen i raragés si lumoorai wo in enda' i binatang.

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.