Yohanes 3:12 - En Taar Weru a nunuwu' é Tontemboan

¹² Yaku ra'ica pinercaya miow an tutuw-Ku i mapaar ai camu andumoro' sé ang kayo'baan anio'. Tambisa réén percayan iow Aku sa Aku numuwu' andumoro' sé an sorga?

Yohanes 3:12 ပူးပေါင်းရင်းမြစ်များ

Yohanes 3:11

En ulitna icua-Ku mangé ai co, ipakua ami sapa sé kailekan ami, wo em pasairi ami sapa sé sinéréo ami, taan kamu sé kikiiten é tou Yahudi ra'ica kiim tumerima ing kasairian ami.

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Yohanes 3:8

Si esa wo si esa tou si tumou asi Roh i Amang Kasuruan, ra'ica makailek tambisa e Roh-Na itu matawoi. En itu ro'na ipeputé wo in deges si mengareges am bisa-wisa wo téngéna ke' si ro'na kalingaanmu taan ra'ica kailekanmu am bisa owo en deges itu imai wo am bisa en angéanna.”

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Ibrani 5:11

Keliané' sé musti icua ami in andumoro' in itu, taan susa en sumisil ampa'paan kamu ngenger makailek.

1 Yohanes 4:10

Si anioo en upus itu: Ra'ica icita si ririor imaupus si Amang Kasuruan, taan Siao si ririor mengaupus icita. Ampa'paan ituo ayutus-Na mai si Toyaang-Na wosama' eng kamesé-meséaanta kaampungan ampa'paan i Toyaang-Na itu.