Yohanes 3:10 - En Taar Weru a nunuwu' é Tontemboan

¹⁰ Isowat i Yesus, “Ico guru agama si pasiri-siriin é tou Israel, kéitu réén ra'ica kaangéanmu sé andumoro' in itu?

Yohanes 3:10 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 15:14

Wayao mio' sé tou itu. Séra tou wola sé maakin sé tou wola. Sa sé tou wola maakin sé tou wola, séra in dua tantu lumepok oka an lo'beng.”

Matius 22:29

Wo isowat i Yesus ai séra, “Isuméa' keli kamu, ampa'paan ra'ica pangartian iow eng Kitap Le'nas wo ka'i ra'ica kailekan iow eng kakawasaan i Amang Kasuruan.

Lukas 2:46

Telu ngandoo Sia paéré-érén wo ipeta'up éra Sia am Balé Le'nas. Sia makalukut an uner é guru agama Yahudi makalinga wo memuéi-muéi ai séra.

Lukas 5:17

Asi makasa an tutuw i Yesus masusui, awéan piraan tou Farisi wo sé makailek wutul in Torat makalukut makalinga Sia. Séra mai am pakasa in doong ang Galilea, Yudea wo ka'i an Yerusalem owo. Eng kawasa i Amang Kasuruan awéano a si Yesus en sumama' sé tou sumakit.

Yohanes 3:9

Wo icua i Nikodemus, “Tumambisa réén en itu ro'na mamuali?”

Kisah Para Rasul 5:34

Taan awéan si esa tou anggota i Mahkamah Agama makangaran Gamaliel. Sia guru in ukum Torat ang golongan Farisi wo ka'i pasiri-siriin é tou. Wo sia tumulung am bitu wo rumu'du' sé tou wosama' kumesot toyo' am bitu.

Roma 2:28

Ampa'paan, sé wutu-wutul patuulen tou Yahudi, ra'ica ampa'paan ketounake' mai mamualio tou Yahudi. Wo sé wutu-wutul patuulen sunat, ra'ica ampa'paan sia itu wutu-wutul sinunato.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

Kolose 2:11

Wo kamu sé meesao wo si Kristus, kamu itu tanu sinunato. Wo en sunat itu ra'ica sunat e niéma' é tou, taan en sunat si niéma' i Kristus, ampa'paan em peri ing kamesé-meséaan an owak iow pinokolo i Kristus.