Yohanes 21:23 - En Taar Weru a nunuwu' é Tontemboan

²³ Ampa'paano i nunuwu' i Yesus itu, akar icaseraro en abar a sé poo-poow itu sapaoka si murit itu ra'ica maté. En ulitna si Yesus ra'ica icumua sapaoka si murit itu ra'ica maté, taan aicua-Na, “Sa icasalé'-Ku sia imenonouke' melala'us akar Aku maai sumawel, en itu ra'ica urusanmu.”

Yohanes 21:23 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Kisah Para Rasul 28:14

Am bitu, kami meta'up wo sé tou maéman a si Yesus wo enoten éra kami mento' ang karapi éra pitu ngando eng kauréna. Kekawus in itu kami suméngkot mangé a Roma.

Kisah Para Rasul 6:3

Anaé, tana'io é poo-poow, aweso taré sisiren iow pitu tou an uner iow. Séra itu musti tou sama', kinawasa i Roh Le'nas wo awéan kapinteran asi Casuruan owo. Sé tou anioo em béan ami oka in tawoien en tumu'tul ing kakanen.

1 Korintus 11:26

Anaé, susur iow ing kuman i roti wo melep in anggor asi paelepan am perjamuan itu, ipakua-kuao mio' em papaté i Apo' Yesus akar Sia maai sumawel.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

Yakobus 5:7

Ampa'paan in ituo é poo-poow, malese-leseno mangé kamu akar si Apo' Yesus maai sumawel. Séréno tambisa si tou menganguma talesen keli mengento-ngento' in uran an oras i mausew wo an oras in tinanem mua'. Sia talesen mengento-ngento' im buéna si awéan em bééna asi tana'na itu.

Wahyu 2:25

Taan téirano mangé sumama-sama' em paémanen iow itu akar Aku maai.