Yohanes 21:16 - En Taar Weru a nunuwu' é Tontemboan

¹⁶ Wuéien ka'i i Yesus ing karua a si Petrus, “Simon, toyaang i Yohanes, icaupusmu réén Aku?” Isowat i Petrus, “Wutul é Tuang, kailekan-Mu sapaoka aku mengaupus Ico.” Icua ka'i Yesus ai sia, “Paliarano mio' sé domba-Ku.”

Yohanes 21:16 ပူးပေါင်းရင်းမြစ်များ

Matius 2:6

‘Ico Betlehem an tana' Yehuda, ico ra'io ka'i kota si tumeki-tekic an uner é kota an Yehuda, ampa'paan ai coo maai oka si esa Tou e merénta sé tou-Ku Israel.’ ”

Matius 25:32

Wo pakasa im bangsa li'usen oka an dior-Na, wo petanén-Na séra mamuali rua ngaumung, meputé wo si gembala itumané sé domba an uner é mémbé'.

Matius 26:72

Taan si Petrus isumangkalke' ka'i wo sumumpa, “Ra'ica katuusanku si Tou itu.”

Lukas 19:10

Ampa'paan si Toyaang i Tou mai e mangéré sé tou itumayango asi Amang Kasuruan wo lumowir iséra an ukuman ing kamesé-meséaan.”

Yohanes 18:17

Icua i ata wéwéné si mengatéir im papalen itu a si Petrus, “Ra'ica réén ico ka'i esaan asé murit i Tou itu?” Wo isowat i Petrus ai sia, “Ra'ica yaku!”

Yohanes 18:25

An tutuw itu, si Simon Petrus makatulungé' mangéngé in owak an duru in api, wo icua é tou am bitu ai sia, “Raica réén ico ka'i esaan tou murit i Yesus?”

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

1 Petrus 2:25

Ampa'paan kamu indior tanuoka sé domba icasélé'kowo, taan intarépé' kamu imaréngo mai asi gembala si matéir i mu'kur iow.

1 Petrus 5:2

Téiran iow sé tou maéman a si Yesus sé aitoké i Amang Kasuruan ai camu. Téiran iow séra kaputé i gembala matéir sé dombana. Téiran iow séra ra'ica ampa'paan pinelesé' taan ang karapi in arui en até, kumiit ing kasalé'an i Amang Kasuruan. Wo tioo ampa'paan maéré-éré ing kalébéan, taan ang karapi i mauli-ulit tumawang iséra.

Wahyu 7:17

Ampa'paan si Toyaang i Domba si an uner im palukutan pasiri-siriin itu mamuali oka gembala éra, wo akinen-Na séra mangé asi palemboian in dano si mengawéé ing katouan. Wo pisin oka i Amang Kasuruan pakasa en dano im beren éra.”