Yohanes 21:15 - En Taar Weru a nunuwu' é Tontemboan

¹⁵ Makasokol ako, wuéien i Yesus a si Simon Petrus, “Simon, toyaang i Yohanes, icaupusmu réén Aku lumébé mai wo iséra anio'?” Isowat i Petrus, “Wutul é Tuang, kailekan-Mu sapaoka aku mengaupus Ico.” Icua i Yesus ai sia, “Paliarano mio' sé domba-Ku.”

Yohanes 21:15 ပူးပေါင်းရင်းမြစ်များ

Matius 10:37

Si séike' e mengaupus si amang kuma'pa si inangna lumébémai in upusna a Yaku, sia ra'ica patus mamuali tou-Ku. Wo si séike' e mengaupus si toyaangna tuama kuma'pa wéwéné lumébémai in upusna a Yaku, sia itu ka'i ra'ica patus mamuali tou-Ku.

Matius 16:17

Icua i Yesus ai sia, “Pakakamangen ko é Simon toyaang i Yunus ampa'paan ra'ica sé tou en icumua in itu ai co, taan si Amang-Ku an sorga.

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 26:33

Wo icua i Petrus, “Mandé ka'i séra im baya tumela'u si Guru, taan aku wutu-wutul ra'ica.”

Matius 26:35

Taan icua i Petrus, “Mandé ka'i yaku maté mewali-wali wo si Guru, ra'ica sangkalenku si Guru.” Pakasa sé murit walina kumua ka'i in taniitu.

Markus 14:29

Wo icua i Petrus a si Yesus, “Mandé ka'i séra im baya tumela'u si Guru, taan aku ra'ica.”

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Lukas 22:32

Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

Yohanes 1:42

Kekawus in itu si Simon iwali i Andreas a si Yesus. Wo téintengen i Yesus si Simon wo icua-Na ai sia, “Ico si Simon toyaang i Yohanes. Ico ngaranan-Ku oka ‘Kefas’. (Kefas puté wo i ‘Petrus’ eng kaangéanna, watu enté').”

Yohanes 13:37

Icua i Petrus a si Yesus, “Tuang, kéitu réén aku ra'ipé' makawoo kumiit si Tuang intarépé'? Icasalé'ku maangé ang karapi-Mu mandé ka'i aku patén ampa'paan makiit Ico.”

Yohanes 16:27

ampa'paan si Amang in esa mengaupus icamu. Sia mengaupus icamu, ampa'paan Aku icaupus iow wo paémanen iow sapaoka Aku mai asi Amang Kasuruan owo.

Yohanes 21:12

Wo cua i Yesus ai séra, “Mayoo wo sumokolo.” Ra'ica wana asé murit itu em brani mamuéi a si Yesus, “Si séi réén Ko?” Ampa'paan kailekan éra Sia itu si Apo' Yesus.

Yohanes 21:7

Wo si murit si caupus i Yesus, kumua a si Petrus, “Siao si Tuang!” Kelinga i Petrus Sia itu si Tuang, sia kumarai ampa'paan sia meke'da', wo sia lumo'tic kuméngkéng angé an tembir in lour.

Yohanes 8:42

Icua i Yesus ai séra, “Sa si Amang Kasuruan itu Amang iow, tantu kamu maupus oka Yaku, ampa'paan Yaku mai asi Amang Kasuruan owo wo intarépé' Aku am bia'i. Ra'ica kasalé'an-Ku in esa e mai, taan Sia e mutusai Yaku.

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

Kisah Para Rasul 20:29

Kailekanku sa kamu itela'uku, sé tou i makaperi meputé wo sé serigala luméwo-léwo' muntep oka an uner iow. Raméjin éra tumeri sé jamaat si pakatéiran iow itu.

Roma 14:1

Terimano mangé' si tou ra'ipé' keter em paémanenna wo tioo meindo-indoan roma' wo isia andumoro' in sapa em paémanenna.

Roma 15:1

Kita sé ketero em paémanen, musti talesen a sé tou sé ra'ipé' keter em paémanen. Tioo kita mangéré-ngéréke' ing kaaruianta in esa.

1 Korintus 8:11

Wo ampa'paan ing kakailekan iow, iméma'o si tou ra'ipé' keter em paémanen itu icasélé'kow, en ulitna si Kristus imaté torona ka'i sia.

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

Efesus 6:24

En upus si aitambér i Amang Kasuruan mewali-wali a sé im pakasa in tou sé ra'ica mento' mengaupus a si Apo'ta Yesus Kristus.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

Ibrani 4:13

Ra'ica wana mandé esake' mahluk en icaenep am beren i Amang Kasuruan. Sapa-sapake' makawuka-wuka' wo kaséré-séréan an dior-Na, wo ai Siake' kita méé im panowaten asé im pakasa sé niéma'ta.

1 Petrus 1:8

Kamu mengaupus si Yesus Kristus, mandé ka'i Sia ra'ipé' sumangkum ako sinéré miow. Kamu maéman ai Sia, mandé intarépé' Sia ra'ica pakasérén iow. Kamu mendam ing kaaru-aruian wangko', ampa'paan eng kaaruian iow sé ra'io icakua itu.

1 Petrus 2:2

Aweso taré kamu mamualio tanuoka si toyaang si makatoué' wo meré'o-ré'om en sumusu asi inangna, kamu ka'i musti meré'o-ré'- om melep si wutu-wutul susu si nunuwu' i Amang Kasuruan. Ang karapi kamu imelep in itu em paémanen iow a si Amang Kasuruan makawangkoo akar kamu malowir,

1 Petrus 2:25

Ampa'paan kamu indior tanuoka sé domba icasélé'kowo, taan intarépé' kamu imaréngo mai asi gembala si matéir i mu'kur iow.

1 Yohanes 4:19

Kita mengaupus ampa'paan si Amang Kasuruan irumioro mengaupus cita.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.