Yohanes 21:14 - En Taar Weru a nunuwu' é Tontemboan

¹⁴ Siituo ang kumatelu si Yesus mapaturu' in owak a sé murit-Na kekawus Sia tumou sumawel an uner é tou imaté.

Yohanes 21:14 ပူးပေါင်းရင်းမြစ်များ

Markus 16:12

Kekawus in itu, si Yesus mapaturu' in owak-Na a sé rua murit-Na. Séra in dua ang karoro'an i mawaya' maangé asi esa roong. Asi témpo itu ra'ica katuusan éra si Yesus, ampa'paan Sia kaséréan walina ra'io puté indior.

Markus 16:14

Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.

Yohanes 20:19

Asi ari duminggu itu ka'i an tutuw imawengio, sé murit i Yesus mali'us an esa walé. Wo kusiin éra waya em papalen ampa'paan icaindé' éra sé kikiiten é tou Yahudi. Tumarépé'anke' mai si Yesus tumulung an uner éra wo icua-Na, “Eng kaeluran mewali-wali wo icamu.”

Yohanes 20:26

Kekawus i walu ngando, mali'us ka'i sumawel sé murit Yesus am balé itu, wo si Tomas mewali-walio wo iséra. Mandé ka'i pakasa em papalen kinusi', tumarépé'anke' si Yesus mai wo tumulung an uner éra. Icua-Na, “Eng kaeluran mewali-wali wo icamu!”

Yohanes 21:1

Wo si Yesus mapaturu' in owak ka'i a sé murit-Na an tembir in lour Tiberias. Tana'io eng kinamamualian itu:

Kisah Para Rasul 1:3

Kekawus-Na imaté wo tumou sumawel, Sia menguri-nguri mapaturu' in owak-Na ai séra epat ngapulu' ngando eng kauréna, wo méé kelian tuus en tumuru' sapaoka Sia uli-ulit tumou sumawel. Wo Sia makua andumoro' si Amang Kasuruan kumawasa tanu Kolano.