Yohanes 21:12 - En Taar Weru a nunuwu' é Tontemboan

¹² Wo cua i Yesus ai séra, “Mayoo wo sumokolo.” Ra'ica wana asé murit itu em brani mamuéi a si Yesus, “Si séi réén Ko?” Ampa'paan kailekan éra Sia itu si Apo' Yesus.

Yohanes 21:12 ပူးပေါင်းရင်းမြစ်များ

Matius 22:46

Pakasa é tou am bitu ra'ica wana mandé esake' e ro'na sumowat a si Yesus, wo tumo'tolai asi endo itu ra'io wana em brani e mamuéi a si Yesus.

Markus 9:32

Ra'ica kaangéan éra sé airoma'-Na itu, taan séra kenengke' i mamuéi ai Sia.

Lukas 9:45

Taan ra'ica kaangéan é murit i Yesus sapa en aicua-Na itu. En aicua i Yesus itu icaenepé' wosama' en itu ra'ica kailekan é murit-Na. Wo séra kenengke' mamuéi andumoro' in itu a si Yesus.

Yohanes 16:19

Kailekan i Yesus eng kasalé'an éra i mamuéi woo ai Sia, wo icua-Na ai séra, “Kamu si esa wo sé walina membum-buéian andumoro' si aicua-Ku tarépé', ‘Ra'io uré ka'i en témpona Aku ra'io kaséréan iow, wo ra'io uré ka'i Aku kaséréan oka miow.’

Yohanes 21:11

Si Simon Petrus sumaké an londéi, wo wésoonna ang katanaan en lolombo' si mawuta-wuta é sera' wangke-wangker, eng kakelina sangaatus lima ngapulu' telu. Mandé ka'i in taniitu en lolombo' itu ra'ica imakésé'.

Yohanes 21:15

Makasokol ako, wuéien i Yesus a si Simon Petrus, “Simon, toyaang i Yohanes, icaupusmu réén Aku lumébé mai wo iséra anio'?” Isowat i Petrus, “Wutul é Tuang, kailekan-Mu sapaoka aku mengaupus Ico.” Icua i Yesus ai sia, “Paliarano mio' sé domba-Ku.”

Yohanes 4:27

Asi témpo itu, sé murit i Yesus mai sumawel ai Sia. Séra mangaya'ka' keli sapaoka Sia memaa-maar ang karapi i esa wéwéné. Taan ra'ica wana esaan ka'i ai séra sé mamuéi “Sapa réén en casalé'mu?” kuma'pa, “Sapa réén em papaaren i Guru wo sia?”

Kisah Para Rasul 10:41

Ra'ica pakasa sé tou Yahudi e ro'na suméré Sia. Taan wayake' sé sairi sé sinisiro i Amang Kasuruan e ro'na suméré. Icamio sé sairi itu, sé icuman wo melep mewali-wali wo Sia, kekawus-Na tinou sumawel.