Yohanes 21:10 - En Taar Weru a nunuwu' é Tontemboan

¹⁰ Icua i Yesus ai séra, “Paalianai piraan sera' sé pakatangkaané' miow itu.”

Yohanes 21:10 ပူးပေါင်းရင်းမြစ်များ

Lukas 24:41

Taan séra ra'ipé' mercaya en suméré Sia ampa'paan séra arui keli wo mangaya-ngaya'ka'pé'. Wo icua-Na ai séra, “Awéan kakanen ai camu am bia'i?”

Yohanes 21:11

Si Simon Petrus sumaké an londéi, wo wésoonna ang katanaan en lolombo' si mawuta-wuta é sera' wangke-wangker, eng kakelina sangaatus lima ngapulu' telu. Mandé ka'i in taniitu en lolombo' itu ra'ica imakésé'.

Yohanes 21:13

Wo si Yesus rumuru, indon-Na e roti wo iwéé-Na ai séra. Taniitu ka'i mai wo sé sera' itu.

Yohanes 21:9

An tutuw éra in tumana'o, sérén éra awéan waa in api, wo am bawona awéan sera' wo roti.

Yohanes 6:11

Wo indon i Yesus e roti itu, wo Sia kumua i makapulu'sama' a si Amang Kasuruan wo yéké-éké-Na ai séra sé makalukut. Taniitu ka'i e niéma'-Na a sé sera' itu. Wo séra kuman akar imawesu.

Yohanes 6:9

“Am bia'i awéan toyaang tuama makaanu lima ngapokol roti wo rua sera'. Taan pakasa en itu ra'ica wana en torona a sé tou sé taniitu eng kakeli anio'.”