Yohanes 20:27 - En Taar Weru a nunuwu' é Tontemboan

²⁷ Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

Yohanes 20:27 ပူးပေါင်းရင်းမြစ်များ

Matius 17:17

Wo icua i Yesus, “Éi camu tou léwo' wo tou ra'ica maéman! Akar kawisa réén Aku musti mewali-wali wo icamu? Wo akar kawisa Aku musti talesen ai camu? Paalino mai si toyaang itu!”

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Lukas 24:39

Sérénai eng kama wo eng kécéi-Ku. Yakuo in esa si anio'. Isuuno mai en owak-Ku wo sérén sumama-sama', ampa'paan e mu'kur léwo' ra'ica wana sama'na wo ru'i tanu si pasérén iow a Yaku anio'.”

Lukas 24:40

Ang karoro'an imakua in taniitu, ituru'-Na ka'i eng kama wo eng kécéi-Na ai séra.

Lukas 9:41

Wo icua i Yesus, “Éi camu tou ra'ica maéman wo icasélé'kowo! Akar kawisa réén Aku musti mento' ang karapi miow wo talesen mengento-ngento' akar kamu maéman a Yaku?” Wo icua i Yesus a si amang itu, “Walio mai si toyaangmu itu!”

Yohanes 20:20

Kekawus-Na kumua in taniitu, ituru'-Na ai séra eng kama wo em petic-Na. Sé murit-Na arui an tutuw éra suméré si Apo' Yesus.

Yohanes 20:25

Wo icua é murit itu a si Tomas, “Sinéréo ami si Tuang!” Taan icua i Tomas ai séra, “Sa ra'ipé' sinéréku eng kalat pinakuan am palara ing kama-Na, wo ra'ipé' aitopokku en tuturu'ku ang kalat im pinakuan itu, wo ra'ipé' aitopokku en tuturu'ku am petic-Na, wutu-wutul ra'ipé' percayanku.”

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

Roma 5:20

En ukum Torat itu aiwéé mai i Amang Kasuruan a sé tou wo eng kasiwakana eng kamesé-meséaan é tou makaawes eng kakeli ampa'paan séra ra'ica le'tek maéma' in ukum itu. Taan mandé eng kamesé-meséaan makaawes eng kakeli, en upus aitambér i Amang Kasuruan makalepe-lepet eng kakeli.