Yohanes 20:26 - En Taar Weru a nunuwu' é Tontemboan

²⁶ Kekawus i walu ngando, mali'us ka'i sumawel sé murit Yesus am balé itu, wo si Tomas mewali-walio wo iséra. Mandé ka'i pakasa em papalen kinusi', tumarépé'anke' si Yesus mai wo tumulung an uner éra. Icua-Na, “Eng kaeluran mewali-wali wo icamu!”

Yohanes 20:26 ပူးပေါင်းရင်းမြစ်များ

Matius 17:1

Wo kelangkoi angé in enem ngando, iwali i Yesus si Petrus wo sé rua metuari si Yakobus wo si Yohanes sumosor am puruk in esa kuntung rangka'. Am bitu waya iséra in telu ang karapi i Yesus.

Markus 16:14

Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.

Lukas 24:36

Ang karoro'an éra i memaa-maar andumoro' im pakasa eng kinamamualian itu, tumarépé'anke'mai si Yesus tumulung an uner éra wo icua-Na, “Siri' ang kaeluran torona miow!”

Lukas 9:28

Kelangkoi angé wona' walu ngando kekawus i Yesus mengasusui andumoro' pakasa in itu wo towan-Na si Petrus, si Yohanes wo si Yakobus sumosor angé an esa kuntung en sumombayang.

Yohanes 11:16

Wo si Tomas si pengatowan ka'i Didimus, kumua a sé kara-karapina murit i Yesus walina, “Mayoo kita mangé ka'i an Yudea, mandé ka'i kita maté mewali-wali wo Sia.”

Yohanes 14:27

Eng kaeluran itela'u-Ku ai camu. Wo eng kaeluran-Ku iwéé-Ku ai camu, wo sapa si aiwéé-Ku ra'ica meputé wo si aiwéé é tou ang kayo'baan. Ampa'paan in ituo tioo kamu ra'io makaaté in sama' wo kamu tioo maindé-indé'.

Yohanes 20:19

Asi ari duminggu itu ka'i an tutuw imawengio, sé murit i Yesus mali'us an esa walé. Wo kusiin éra waya em papalen ampa'paan icaindé' éra sé kikiiten é tou Yahudi. Tumarépé'anke' mai si Yesus tumulung an uner éra wo icua-Na, “Eng kaeluran mewali-wali wo icamu.”

Yohanes 20:21

Wo icua-Na sumawel ai séra, “Eng kaeluran mewali-wali wo icamu! Yaku ayutuso mai i Amang-Ku ang kayo'baan, taniituo ka'i camu, yutus-Ku mangé am bisa-wisa ang kayo'baan anio'.”

Yohanes 21:1

Wo si Yesus mapaturu' in owak ka'i a sé murit-Na an tembir in lour Tiberias. Tana'io eng kinamamualian itu:

Yohanes 21:14

Siituo ang kumatelu si Yesus mapaturu' in owak a sé murit-Na kekawus Sia tumou sumawel an uner é tou imaté.

Kisah Para Rasul 1:3

Kekawus-Na imaté wo tumou sumawel, Sia menguri-nguri mapaturu' in owak-Na ai séra epat ngapulu' ngando eng kauréna, wo méé kelian tuus en tumuru' sapaoka Sia uli-ulit tumou sumawel. Wo Sia makua andumoro' si Amang Kasuruan kumawasa tanu Kolano.