Yohanes 20:25 - En Taar Weru a nunuwu' é Tontemboan

²⁵ Wo icua é murit itu a si Tomas, “Sinéréo ami si Tuang!” Taan icua i Tomas ai séra, “Sa ra'ipé' sinéréku eng kalat pinakuan am palara ing kama-Na, wo ra'ipé' aitopokku en tuturu'ku ang kalat im pinakuan itu, wo ra'ipé' aitopokku en tuturu'ku am petic-Na, wutu-wutul ra'ipé' percayanku.”

Yohanes 20:25 ပူးပေါင်းရင်းမြစ်များ

Matius 27:42

“Tou walina ro'na lowiren-Na taan en owak-Na in esa ra'ica kalowiran-Na! Sa Sia Kolano é tou Israel, tantu Sia tumumpao mai asi salip itu, wo in taniitu ro'na percayan ami Sia.

Markus 16:11

An tutuw éra iluminga en aicua i Maria sapaoka si Yesus itumouo sumawel wo sinérénao, ra'ica percayan éra.

Markus 16:13

Wo séra in dua maréng angé sumawel a sé kara-karapi éra walina wo icua éra sapaoka séra imeta'upo wo si Yesus, taan sé kara-karapi éra ka'i ra'ica mercaya.

Markus 16:14

Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.

Lukas 24:25

Wo icua i Yesus ai séra in dua, “Kamu anio' taloso bodok. Taloso ngenger en até miow e mercaya pakasa sé aicuao é nabi ang Kitap Le'nas.

Yohanes 1:41

Wo si Andreas mangé meta'up wo si Simon tuarina, wo icuana ai sia, “Aipeta'upo ami si Mesias.” (Mesias meputé wo si Kristus, eng kaangéanna Kolano Lumolowir).

Yohanes 20:27

Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

Yohanes 21:7

Wo si murit si caupus i Yesus, kumua a si Petrus, “Siao si Tuang!” Kelinga i Petrus Sia itu si Tuang, sia kumarai ampa'paan sia meke'da', wo sia lumo'tic kuméngkéng angé an tembir in lour.

Yohanes 6:30

Wo icua éra ai Sia, “Sa taniitu, sapa en tuus si ro'na ipapaturu' ai cami wosama' kami ro'na mercaya sa si Guru itu asi Amang Kasuruan owo. Wo tuus sapa en émaan oka i Guru?

Ibrani 3:12

Anaé, é poo-poow, mareti-retio mangé oréoka awéan esaan ai camu makaaté in léwo' wo ra'io ka'i maéman, akar sia sumali'si' wo tumayang asi Amang Kasuruan si menonou.

Ibrani 3:18

Wo si séi séra sé aisumpa i Amang Kasuruan ra'ica toro muntep asi tampa pengaenaan e mena' mewali-wali wo Sia? Séra ituo sé tou sé ra'ica le'tek a si Casuruan.