Yohanes 20:23 - En Taar Weru a nunuwu' é Tontemboan

²³ Sa ampungan iow eng kamesé-meséaan é tou, eng kamesé-meséaanna niampungano. Wo sa ra'ica ampungan iow eng kamesé-meséaan é tou, eng kamesé-meséaanna ra'ica niampungan.”

Yohanes 20:23 ပူးပေါင်းရင်းမြစ်များ

Matius 16:19

Wéé-Ku oka ai co eng kukusi' ing Kakolanoan in Sorga. Sapa sé aiwa'kesmu ang kayo'baan anio' icawa'kes oka ka'i an sorga wo sapa sé iwekarmu ang kayo'baan anio' icawekar oka ka'i an sorga.”

Matius 18:18

En ulitna icua-Ku mangé ai camu, sapake' em pinéromu émaan é tou ang kayo'baan, péronen ka'i i Amang Kasuruan si maento' an sorga. Taniitu ka'i sapake' e niénanmu émaan é tou ang kayo'baan, en itu ka'i énan i Amang Kasuruan si maento' an sorga.

Yohanes 20:22

Kekawus-Na kumua in taniitu, sengon-Na séra im baya ang karapi ing kumua, “Terimano mangé e Roh Le'nas.

Kisah Para Rasul 10:43

Indior, pakasa sé nabi isumangkumo kumua andumoro' Sia. Icua éra sa sé tou maéman ai Sia, makéré oka kaampungan ing kamesé-meséaan ampa'paano i ngaran-Na.”

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

1 Korintus 5:4

An tutuw iow mali'u-li'- us ang karapi i ngaran i Apo' Yesus, anggapeno mio' aku an unero miow wo eng kawasa i Yesus Apo'ta ang karapi miow am bitu.

Efesus 2:20

Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.

1 Timotius 1:20

An uner éra awéan si Himeneus wo si Aleksander. Séra in dua itu aisarakankuo a si kikiiten é sétang. Niéma'ku in taniitu wosama' séra mape'dis e maojat i ngaran i Amang Kasuruan.