Yohanes 20:21 - En Taar Weru a nunuwu' é Tontemboan

²¹ Wo icua-Na sumawel ai séra, “Eng kaeluran mewali-wali wo icamu! Yaku ayutuso mai i Amang-Ku ang kayo'baan, taniituo ka'i camu, yutus-Ku mangé am bisa-wisa ang kayo'baan anio'.”

Yohanes 20:21 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Matius 10:40

Si séike' en sumungkul icamu, en itu meputé sia isumungkulo Yaku. Wo si séike' en sumungkul Yaku, sia ka'i isumungkulo si Amang Kasuruan si mutusai Yaku.

Lukas 24:36

Ang karoro'an éra i memaa-maar andumoro' im pakasa eng kinamamualian itu, tumarépé'anke'mai si Yesus tumulung an uner éra wo icua-Na, “Siri' ang kaeluran torona miow!”

Yohanes 13:20

En ulitna icua-Ku mangé ai camu, si séike' en tumerima si tou ayutus-Ku, sia itumerimao Yaku. Wo si séike' en tumerima Yaku, sia itumerimao si Amang Kasuruan si mutusai Yaku.”

Yohanes 14:27

Eng kaeluran itela'u-Ku ai camu. Wo eng kaeluran-Ku iwéé-Ku ai camu, wo sapa si aiwéé-Ku ra'ica meputé wo si aiwéé é tou ang kayo'baan. Ampa'paan in ituo tioo kamu ra'io makaaté in sama' wo kamu tioo maindé-indé'.

Yohanes 20:19

Asi ari duminggu itu ka'i an tutuw imawengio, sé murit i Yesus mali'us an esa walé. Wo kusiin éra waya em papalen ampa'paan icaindé' éra sé kikiiten é tou Yahudi. Tumarépé'anke' mai si Yesus tumulung an uner éra wo icua-Na, “Eng kaeluran mewali-wali wo icamu.”

Yohanes 20:22

Kekawus-Na kumua in taniitu, sengon-Na séra im baya ang karapi ing kumua, “Terimano mangé e Roh Le'nas.

Yohanes 20:26

Kekawus i walu ngando, mali'us ka'i sumawel sé murit Yesus am balé itu, wo si Tomas mewali-walio wo iséra. Mandé ka'i pakasa em papalen kinusi', tumarépé'anke' si Yesus mai wo tumulung an uner éra. Icua-Na, “Eng kaeluran mewali-wali wo icamu!”

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Kisah Para Rasul 1:2

akar asi endo Sia icaangkai angé an sorga. Ra'ipé' icaangkai angé si Yesus an sorga, Sia si pakakawasan i Roh Le'nas si mééo perénta sapa e musti émaan é ruru'du'an sé sinisir-Na.

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

2 Timotius 2:2

Liningamuo en sususuien si aisusuikuo an dior é tou keli. Musti isusuimu en itu a sé tou walina sé ro'na percayanmu wo sé pandéi masusui. Wo in taniitu séra ro'na sumusui sé tou walina.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

3 Yohanes 1:14

Paarapenku ra'io uré ka'i aku meta'up wo ico wo kita ro'na mepaar mewali-wali.