Yohanes 20:20 - En Taar Weru a nunuwu' é Tontemboan

²⁰ Kekawus-Na kumua in taniitu, ituru'-Na ai séra eng kama wo em petic-Na. Sé murit-Na arui an tutuw éra suméré si Apo' Yesus.

Yohanes 20:20 ပူးပေါင်းရင်းမြစ်များ

Matius 28:8

Wo makala'us itela'u éra eng kubur itu ang karapi in indé' wo uli-ulit arui. Séra repet matéron mangé kumua waya in itu a sé murit i Yesus.

Yohanes 16:20

En ulitna icua-Ku mangé ai camu, an tutuw-Ku i maangém a si Amang, paamé'an iow oka Aku akar in sesendu'an, taan sé tou ang kayo'baan sé ra'ica maéman a Yaku maaru-arui oka. Wo kamu mawendu oka, taan eng kawenduan iow sawelan oka mai ing kaaruian.

Yohanes 16:22

Tanu siituo ka'i en até miow intarépé' mawendu keli. Taan Aku meta'up oka sumawel ang karapi miow wo en até miow maarui oka, wo ra'ica wana tou e ro'na mandét ing kaaruian in até miow.

Yohanes 19:34

Taan esaan asé suraro itu tumopok im petic i Yesus maké wengkow, wo makala'us kumesurai en enda' wo en dano.

Yohanes 20:25

Wo icua é murit itu a si Tomas, “Sinéréo ami si Tuang!” Taan icua i Tomas ai séra, “Sa ra'ipé' sinéréku eng kalat pinakuan am palara ing kama-Na, wo ra'ipé' aitopokku en tuturu'ku ang kalat im pinakuan itu, wo ra'ipé' aitopokku en tuturu'ku am petic-Na, wutu-wutul ra'ipé' percayanku.”

Yohanes 20:27

Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

1 Yohanes 1:1

En surat anio' andumoro' in Taar si mengawéé ing katouan. En Taar anio' awéano asi kataré-taré si liningao wo sinéréo ami in esa. Wo tinimboiano ami ka'i ing kama ami in esa.