Yohanes 20:2 - En Taar Weru a nunuwu' é Tontemboan

² Wo sia tuméron mangé meta'up wo si Simon Petrus wo si murit walina si caupus i Yesus, wo icuana ai séra, “Si Tuang niindoo é tou ang kubur, ra'ica kailekan ami Sia aiweta' am bisa.”

Yohanes 20:2 ပူးပေါင်းရင်းမြစ်များ

Yohanes 13:23

Am bitu awéan esa murit si caupus i Yesus, sia makalukut ang kakan-Na.

Yohanes 19:26

An tutuw i Yesus makaséré si inang-Na wo si murit icaupus-Na makatulung an duruna, kumuao Sia a si inang-Na, “Inang, si anioo si toyaangmu!”

Yohanes 20:13

Wo wuéien é malaékat itu ai sia, “Inang, kéitu réén ko maamé'?” Isowat i Maria, “Si Tuangku niindoo é tou, wo ra'ica kailekanku am bisa em binetaan éra Sia.”

Yohanes 20:15

Wo icua i Yesus a si Maria, “Inang, kéitu réén ko maamé'? Si séi réén em paéré-érénmu?” Paweroten i Maria si tou itu mengatéir in taman, wo icua i Maria, “Tuang, sa si tuang e mindo i mayat-Na, icuao mai a yaku am bisa winetaanmu Sia, wosama' Sia ro'na indonku.”

Yohanes 20:9

Ampa'paan akar asi oras itu ka'i ra'ipé' kaangéan éra sapa en aipatic ang Kitap Le'nas sapaoka si Yesus musti tumou sumawel an uner é tou imaté.

Yohanes 21:20

An tutuw i Petrus maréng in somoi, sérénna si murit icaupus i Yesus makiit iséra. Si murit itu si ilumukut an duru i Yesus icuman mewali-wali an tutuw i Yesus ra'ipé' mate wo ka'i si mamuéi a si Yesus, “Tuang, si séi réén en sumarakan Ico?”

Yohanes 21:24

Si murit ituo si méé ing kasairian wo imatic andumoro' im pakasa in anio'. Wo kailekanta sapaoka eng kasairianna itu wutul.

Yohanes 21:7

Wo si murit si caupus i Yesus, kumua a si Petrus, “Siao si Tuang!” Kelinga i Petrus Sia itu si Tuang, sia kumarai ampa'paan sia meke'da', wo sia lumo'tic kuméngkéng angé an tembir in lour.