Yohanes 20:19 - En Taar Weru a nunuwu' é Tontemboan

¹⁹ Asi ari duminggu itu ka'i an tutuw imawengio, sé murit i Yesus mali'us an esa walé. Wo kusiin éra waya em papalen ampa'paan icaindé' éra sé kikiiten é tou Yahudi. Tumarépé'anke' mai si Yesus tumulung an uner éra wo icua-Na, “Eng kaeluran mewali-wali wo icamu.”

Yohanes 20:19 ပူးပေါင်းရင်းမြစ်များ

Matius 10:13

Sa sé tou am balé itu tumerima icamu, iwayao mio' en siri' miow itu mewali-wali oka wo séra. Taan sa sé tou asi walé itu ra'ica kiim tumerima icamu, en siri' aiwéé miow itu maréng oka sumawel ai camu.

Matius 18:20

Ampa'paan am bisa awéan rua kuma'pa telu tou makali'us ampa'paan maéman a Yaku, Yaku am bitu ang karapi éra.”

Markus 16:14

Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.

Yohanes 14:27

Eng kaeluran itela'u-Ku ai camu. Wo eng kaeluran-Ku iwéé-Ku ai camu, wo sapa si aiwéé-Ku ra'ica meputé wo si aiwéé é tou ang kayo'baan. Ampa'paan in ituo tioo kamu ra'io makaaté in sama' wo kamu tioo maindé-indé'.

Yohanes 16:22

Tanu siituo ka'i en até miow intarépé' mawendu keli. Taan Aku meta'up oka sumawel ang karapi miow wo en até miow maarui oka, wo ra'ica wana tou e ro'na mandét ing kaaruian in até miow.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Yohanes 20:21

Wo icua-Na sumawel ai séra, “Eng kaeluran mewali-wali wo icamu! Yaku ayutuso mai i Amang-Ku ang kayo'baan, taniituo ka'i camu, yutus-Ku mangé am bisa-wisa ang kayo'baan anio'.”

Yohanes 20:26

Kekawus i walu ngando, mali'us ka'i sumawel sé murit Yesus am balé itu, wo si Tomas mewali-walio wo iséra. Mandé ka'i pakasa em papalen kinusi', tumarépé'anke' si Yesus mai wo tumulung an uner éra. Icua-Na, “Eng kaeluran mewali-wali wo icamu!”

Yohanes 21:1

Wo si Yesus mapaturu' in owak ka'i a sé murit-Na an tembir in lour Tiberias. Tana'io eng kinamamualian itu:

Yohanes 21:14

Siituo ang kumatelu si Yesus mapaturu' in owak a sé murit-Na kekawus Sia tumou sumawel an uner é tou imaté.

Yohanes 7:13

Taan ra'ica wana esa tou ka'i em brani kumua andumoro' Sia an dior é tou keli, ampa'paan caindé' éra sé kikiiten é agama Yahudi.

Kisah Para Rasul 1:3

Kekawus-Na imaté wo tumou sumawel, Sia menguri-nguri mapaturu' in owak-Na ai séra epat ngapulu' ngando eng kauréna, wo méé kelian tuus en tumuru' sapaoka Sia uli-ulit tumou sumawel. Wo Sia makua andumoro' si Amang Kasuruan kumawasa tanu Kolano.

Roma 15:33

Pekiupusenku woo a si Amang Kasuruan si palemboian ing kaeluran, mewali-wali oka wo icamu im baya. Ulit.

1 Korintus 15:5

Icuaku ka'i ai camu sapaoka si Kristus ka'i mapaturu'o in owak-Na a si Petrus wo ka'i a sé sangapulu' rua murit-Na.

Efesus 2:14

Ampa'paan kita niéma'o i Kristus menonou ang kaeluran, icita sé tou Yahudi wo sé tou ra'ica Yahudi pineesa-Nao wo tinongkar-Nao e ri'dir mésel si icumawu' ampa'paan ing kaperéndéran.

Efesus 6:23

Pekiupusenku wosama' si Amang Kasuruan Amangta wo si Yesus Kristus Apo'ta méma' sé poo-poow menonou ang kaeluran, ang kaupusan wo am paémanen.

Filipi 1:2

Isombayang ami wosama' en upus aitambér wo eng kaeluran asi Amang Kasuruan Amangta wo asi Apo' Yesus Kristus mewali-wali wo icamu.

2 Tesalonika 3:16

Wayake' si Casuruan e ro'na méma' in até é tou elur. Pangileken ami ai Sia wosama' endo wo em bengi émaan-Na en até miow elur am baya-waya. Pangileken ami ai Sia ka'i wosama' mewali-wali wo icamu im baya.

Ibrani 7:2

Wo iwéé i Abraham a si Melkisedek sangapepulu' asé im pakasa sé kinaandétan am paperangan. Eng kaangéan i ngaran i Melkisedek “kolano ra'ica marapit.” Wo sia “kolano ing kaeluran”, ampa'paan sia kolano ang kota Salem eng kaangéanna kaeluran.

3 Yohanes 1:14

Paarapenku ra'io uré ka'i aku meta'up wo ico wo kita ro'na mepaar mewali-wali.

Wahyu 1:4

Siri' i Yohanes a sé pitu jamaat an Asia Teké'. Pekiupusenku a si Amang Kasuruan wo a sé pitu roh an dior im palukutan pasiri-siriin-Na en tumambérai in upus wo ing kaeluran ai camu. Si Amang Kasuruan itu awéano indior, intarépé', wo si maai oka sa.