Yohanes 20:17 - En Taar Weru a nunuwu' é Tontemboan

¹⁷ Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Yohanes 20:17 ပူးပေါင်းရင်းမြစ်များ

Matius 12:50

Ampa'paan si séike' si mengaéma' ing kasalé'an i Amang-Ku an sorga, siao si poow-Ku tuama, poow-Ku wéwéné wo inang-Ku.”

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Matius 28:7

Anaé, mario-rioro mangé kamu eng kumua a sé murit-Na sapaoka Sia itumouo sumawel an uner é tou é matéo. Wo Sia irumioro mangé ai camu ang Galilea. A mangé mbitu oka kaséréan iow Sia. Ta'néieno waya sé aicuaku anio' ulit!”

Markus 12:26

Wo ka'i andumoro' sé tou imaté wo tumou sumawel, ra'ipé' réén binaca miow si aipatic i Musa an sisisilen andumoro' in dukut tutunéan si mengembu-ngembung? Aicua i Amang Kasuruan a si Musa in tana'i, ‘Yakuo si Amang Kasuruan, si pengaapo'an i Abraham, Ishak wo si Yakub.’

Markus 16:19

Makanuwu' mako si Apo' Yesus a sé murit-Na, Sia icaangkai angé an sorga wo lumukut ang kakan i Amang Kasuruan.

Lukas 10:4

An tutuw iow i mangé, ra'ica toro maali tampa in doit, pawalunan kuma'pa sapatu. Wo sa meta'up tou an lalan, tioo kamu mento' e mepaar asi séike' mangé kauré am bawayaan.

Yohanes 13:1

Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 13:3

Kailekan i Yesus pakasa eng kawasa aiwééo mai i Amang-Na ai Sia. Kailekan-Na ka'i Sia mai asi Amang Kasuruan owo wo maréng oka ai Sia.

Yohanes 14:2

Am balé i Amang-Ku kelian paento'an. Wo Aku maangé am bitu en tumu'tul in tampa miow. Icua-Ku in taniitu ai camu ampa'paan en tampa itu wutu-wutul awéan.

Yohanes 14:28

Liningao miow sé aicua-Ku, Yaku maangé taan Aku maai oka sumawel ai camu. Sa kamu uli-ulit mengaupus Yaku, kamu arui oka sa Aku mangé a si Amang-Ku, ampa'paan si Amang-Ku en lébé wangko' mai wo Yaku.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 16:28

Yaku asi Amang owo, wo mai ang kayo'baan anio'. Wo intarépé' itela'u-Ku ka'i eng kayo'baan anio' wo maréng angé sumawel a si Amang-Ku.”

Yohanes 17:11

Yaku maangé oka a si Amang, anaé Yaku ra'io ka'i ang kayo'baan anio', taan séra ang kayo'baané'. O Amang si lume'na-le'nas, téirano mai séra ang karapi i ngaran-Mu si aiwééo i Amang a Yaku, wosama' séra maesa, kaputé i Amang esa wo Yaku.

Yohanes 17:25

O Amang si ra'ica marapit! Si Amang wutul ra'ica katuusan é tou ang kayo'baan anio', taan Aku makatuus si Amang. Wo kailekan é makii-kiit Yaku si Amango e mutusai Yaku.

Yohanes 17:5

Wo intarépé', o Amang, émaano mai Aku iparayo-rayo wo pasiri-siriin an dior-Mu, ang karapi i rarayo wo en sisiri' si a Yakuo mewali-wali wo si Amang an tutuw eng kayo'baan anio' ra'ipé' niéma'.

Yohanes 20:27

Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

Yohanes 7:33

Wo si Yesus makuapé' a sé tou keli, “Ra'io uré ka'i en témpo-Ku mewali-wali wo icamu, kumawus in itu Aku maréngo mangé ai Sia si mutusai Yaku.

Roma 8:29

Ampa'paan pakasa en tou sé sinisir i Amang Kasuruan asi kataré-taré, séra itu aitantu-Nao tumo'tol asi kataré-taré e mamuali meputé wo si Toyaang-Na, wosama' Sia mamuali Toyaang luluna asé kelian poow.

2 Korintus 6:18

Wo Aku mamuali oka Amangmu, wo kamu mamuali oka toya-toyaang-Ku, taniituo en aicua i Amang Kasuruan si Makakawasa.”

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Ibrani 11:16

Taan intarépé' séra lumelo si esa roong en lébé loorai, siituo si roong an sorga. Ampa'paano in itu si Amang Kasuruan ra'ica malawi' im patuulen Amang Kasuruan éra, ampa'paan aitu'tulo i Amang Kasuruan ai séra esa kota.

Ibrani 8:10

Taan intarépé', si anioo em perjanjian si émaan-Ku oka ang karapi é tou Israel, asé endo mengangai sa. Iweta'-Ku oka en ukum-ukum-Ku a ngaas éra, wo ipatic-Ku oka en itu an untep in até éra. Yaku mamuali oka Amang Kasuruan éra, wo séra mamuali oka tou-Ku.

1 Petrus 1:3

Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.

1 Yohanes 3:2

Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

Wahyu 21:3

Wo kalingaanku en suara taangko' keli am palukutan pasiri-siriin itu makua, “Séréno! Intarépé' em paento'an i Amang Kasuruan an unero é tou. Sia mai oka mento' mewali-wali wo iséra, wo séra mamuali oka tou-Na. Sia in esa mewali-wali oka wo iséra, wo mamuali Amang Kasuruan éra.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.