Yohanes 20:13 - En Taar Weru a nunuwu' é Tontemboan

¹³ Wo wuéien é malaékat itu ai sia, “Inang, kéitu réén ko maamé'?” Isowat i Maria, “Si Tuangku niindoo é tou, wo ra'ica kailekanku am bisa em binetaan éra Sia.”

Yohanes 20:13 ပူးပေါင်းရင်းမြစ်များ

Lukas 24:17

Wo wuéien i Yesus ai séra, “Sapa réén em pemaa-maaren iow ang karoro'an iow mawaya'?” Wo séra mento', en amo éra wendu keli.

Yohanes 19:26

An tutuw i Yesus makaséré si inang-Na wo si murit icaupus-Na makatulung an duruna, kumuao Sia a si inang-Na, “Inang, si anioo si toyaangmu!”

Yohanes 2:4

Icua i Yesus a si inang-Na, “Kéitu réén si inang rumu'du' in taniitu a Yaku? Ra'ipé' an témpona ituru'-Ku si séi Aku.”

Yohanes 20:15

Wo icua i Yesus a si Maria, “Inang, kéitu réén ko maamé'? Si séi réén em paéré-érénmu?” Paweroten i Maria si tou itu mengatéir in taman, wo icua i Maria, “Tuang, sa si tuang e mindo i mayat-Na, icuao mai a yaku am bisa winetaanmu Sia, wosama' Sia ro'na indonku.”

Yohanes 20:2

Wo sia tuméron mangé meta'up wo si Simon Petrus wo si murit walina si caupus i Yesus, wo icuana ai séra, “Si Tuang niindoo é tou ang kubur, ra'ica kailekan ami Sia aiweta' am bisa.”

Kisah Para Rasul 21:13

Taan sinowatke' i Paulus, “Kéitu réén kamu maamé' taniitu? Kamu iméma'o in atéku mawendu. Sapake' e mamuali an Yerusalem, yaku tu'tulo, ra'ica im ba'kesenke' taan ka'i tu'tulo i maté ampa'paan i Apo' Yesus.”