Yohanes 20:1 - En Taar Weru a nunuwu' é Tontemboan

¹ Asi endo kataré asi duminggu itu, imamoondopé' keli wo ruméimbengé', si Maria Magdalena mangé ang kinuburan i Yesus. Séréna em batu aipénet ang kubur itu miléio.

Yohanes 20:1 ပူးပေါင်းရင်းမြစ်များ

Matius 27:56

An uner éra awéan si Maria Magdalena, Maria inang i Yakobus wo si Yusuf, wo ka'i penanaan i Zebedeus.

Matius 27:60

Wo mangéna icubur e mayat i Yesus am bo'bok si aiwu'bu' asi tolaina wawatuan. Eng kubur itu anu i Yusuf wo pakaémaané'. Wo wiléina esa watu wangker em pénet ing kubur itu, wo tela'una en tampa itu.

Matius 27:64

Ampa'paano in itu, pekiupusen ami, ru'du'o mangé suraro en tuméir ing kubur i Yesus akar asi endo katelu. Sa ra'ica téiran, e mayat-Na ro'nake' mai rombiten é murit-Na wo ipakua-kua éra oka a sé tou sapaoka si Yesus itumou sumawel an uner é tou imatéo. Eng kasiwakana, lébé keli ka'i en tou sé sumélé'kow oka, wo an tutuw-Na imenonou.”

Matius 27:66

Wo séra mewali-wali wo sé suraro mangé ang kubur itu. Wéan éra ségél em batu aipénet ing kubur itu, wo ipapatéir éra a sé suraro.

Matius 28:1

Kelangkoi angé in endo Sabat, an tutuw imatawio mando asi endo kataré in duminggu itu, si Maria Magdalena wo si Maria walina mangé suméré ing kubur i Yesus.

Matius 28:2

Wo tumarépé'- anke'mai awéan pangéro' repet. Ampa'paan awéan esa malaékat i Casuruan tumumpa an sorga owo mai miléi im batu aipénet ing kubur itu wo sia lumukut am bawo im batu itu.

Markus 15:46

Wo si Yusuf mangé tumeles kaéng lénen ipengasaput sé tou imaté, wo mangéna tumpa e mayat i Yesus an salip. Wo saputenna ing kaéng lénen itu e mayat i Yesus, wo mangéna icubur an esa wo'bok si aica'il an esa kuntung watu. Kekawus ako in itu, iwiléina esa watu wangker em pénet im bo'bok itu.

Markus 16:9

Asi endo kataré an duminggu itu i mamoondo keli tutuw i Yesus tumou sumawel, kataré-taré Sia mangé mapaturu' in owak-Na a si Maria tou Magdala. Si Yesus sumangkumo musér sé pitu sétang kumesot ai sia.

Yohanes 11:38

En até i Yesus mawendu keli, wo Sia mangé ang kubur i Lazarus. Eng kubur itu esa wo'bok si pinénet im batu wangker.

Yohanes 11:41

Wo angkaien éra em batu itu. Wo si Yesus kumanat angé wo kumua, “Amang, Yaku kumua makapulu'sama' a si Amang, ampa'paan liningao i Amang en sombayang-Ku.

Yohanes 19:25

Wo an duru in salip i Yesus makatulung si inang-Na, wo si wéwéné poow i inang-Na, wo si Maria penanaan i Klopas, wo si Maria Magdalena.

Yohanes 20:26

Kekawus i walu ngando, mali'us ka'i sumawel sé murit Yesus am balé itu, wo si Tomas mewali-walio wo iséra. Mandé ka'i pakasa em papalen kinusi', tumarépé'anke' si Yesus mai wo tumulung an uner éra. Icua-Na, “Eng kaeluran mewali-wali wo icamu!”

Kisah Para Rasul 20:7

Asi endo kataré in duminggu itu, cami wo sé tou maéman walina mai mali'us mewali-wali e méma' im perjamuan. Am bitu si Paulus uré-uréan manuwu' a sé tou maéman akar ing katoora im bengi, ampa'paan asi mando mai sia suméngkot.

1 Korintus 16:2

Susur in ari Duminggu, kamu si esa wo si esa mengatané mio' roit kiit eng kinéréan i esa wo si esa. Wo yéma' miow sé roit itu wosama' an tutuw aku mai, kamu ra'io sangali ka'i lumi'us roit.

Wahyu 1:10

Asi endo ipasombayang, yaku kinawasa i Roh i Casuruan wo palinganku an somoiku awéan manuwu' in taangko' keli, tanu in téngéna in terompét.