Yohanes 2:9 - En Taar Weru a nunuwu' é Tontemboan

⁹ Wo epé'an i kikiiten am pésta itu en dano si mamualio anggor, taan ra'ica kailekanna am bisa eng kinéréan é mengaselewir in anggor itu. Wayake' sé mengaselewir sé sumaap in dano itu e makailek. Wo towan i kikiiten am pésta itu si tuama kumawéng itu mai ai sia,

Yohanes 2:9 ပူးပေါင်းရင်းမြစ်များ

Matius 27:34

Am bitu Sia wéan éra elepen anggor kinemu in aperu. An tutuw kananaman-Nao en anggor itu, ra'ica kiim-Na melep.

Matius 9:15

Isowat i Yesus ai séra, “Ro'na réén sé kara-karapi i pengantén tuama mala'lu ang kauré i pengantén itu mewali-wali wo i séra? Taan mai oka en témpona si pengantén itu indon é tou an uner éra wo asi témpo ituo séra muasa oka.

Yohanes 2:8

Wo icua i Yesus ai séra, “Kumawus in itu isaapo mio' rano pira asi tampayang itu wo paalino mangé a si kikiiten am pésta anio'.”

Yohanes 4:46

Wo si Yesus mai sumawel ang kota Kana ang Galilea. Am bitu Sia sumangkumo méma' in dano mamuali anggor. Eng Kana mentawian wo eng kota Kapernaum. Asi témpo itu ang Kapernaum awéan esa toyaang tuama sumakit, toyaang i matawoi an istana.

Yohanes 7:17

Sa si tou masalé' maéma' ing kasalé'an i Amang Kasuruan, kakailekanna oka en sususuien-Ku anio' asi Amang Kasuruan owo kuma'pa mai a Yaku owo in esa.