Yohanes 2:24 - En Taar Weru a nunuwu' é Tontemboan

²⁴ Taan sé tou itu ra'ica percayan i Yesus, ampa'paan kailekan-Na waya en até é tou.

Yohanes 2:24 ပူးပေါင်းရင်းမြစ်များ

Matius 9:4

Taan kailekan i Yesus em pawero-weroten éra, wo icua-Na ai séra, “Kéitu réén kamu mawerot andumoro' sé léwo' an untep in até miow?

Markus 2:8

Taan makala'us kailekan-Na en an untep in até éra sapa em pemero-meroten éra. Wo icua-Na, “Kéitu réén kamu mawerot tanu siitu an untep in até?

Yohanes 1:42

Kekawus in itu si Simon iwali i Andreas a si Yesus. Wo téintengen i Yesus si Simon wo icua-Na ai sia, “Ico si Simon toyaang i Yohanes. Ico ngaranan-Ku oka ‘Kefas’. (Kefas puté wo i ‘Petrus’ eng kaangéanna, watu enté').”

Yohanes 16:30

Intarépé' kailekan ami sapaoka si Guru makailek im baya-waya, wo ra'io sangali sé tou mamuéi sapa-sapa a si Guru. Ampa'paan in ituo percayan ami si Guru imai asi Amang Kasuruan owo.”

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

Yohanes 4:16

Icua i Yesus ai sia, “Mangé towanai si penanaanmu, wo kamu in dua maréngai sumawel am bia'i.”

Yohanes 5:42

Taan kailekan-Ku andumoro' sé an até miow, kamu uli-ulit ra'ica mengaupus si Amang Kasuruan.

Yohanes 6:15

Kailekan i Yesus sapaoka Sia leséén éra e mamuali kolano éra, akar Sia in esa mangé sumingkir an tolaina.

Yohanes 6:64

Taan an uner iow awéan sé ra'ica maéman.” Icua i Yesus in taniitu, ampa'paan asi catarépé' kailekan-Na sé ra'ica maéman wo si sumarakan Sia a sé kaséké'.

Kisah Para Rasul 1:24

Wo séra im baya sumombayang, “O Kasuruan, si Casuruanke' e makailek wutul pakasa in até é tou, ituru'o mai ai cami si séi asé rua tou anio' en sisiren-Mu.

Kisah Para Rasul 15:8

Si Amang Kasuruan e makatuus in até é tou, aituru'-Na sapaoka Sia tumerimao sé tou ra'ica Yahudi itu. En itu aituru'-Nao ai cita an tutuw-Na méé i Roh Le'nas ai séra, tanu si aiwéé-Na ai cita.

Ibrani 4:13

Ra'ica wana mandé esake' mahluk en icaenep am beren i Amang Kasuruan. Sapa-sapake' makawuka-wuka' wo kaséré-séréan an dior-Na, wo ai Siake' kita méé im panowaten asé im pakasa sé niéma'ta.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.