Yohanes 2:22 - En Taar Weru a nunuwu' é Tontemboan

²² Ampa'paano in itu, an tutuw i Yesus tinou sumawel an uner é tou imaté, kata'néiano é murit-Na sapaoka en itu sumangkumo aicuana-Na. Wo percayan érao ka'i sapa sé aipatic ang Kitap Le'nas wo e nunuwu' sé aicuao i Yesus.

Yohanes 2:22 ပူးပေါင်းရင်းမြစ်များ

Lukas 24:26

Ra'ica réén kailekan iow sapaoka si Kristus musti sumangkum owo waya ing kawenduan itu, kumawus in itu Sia tumerima i rarayo wo in sisiri'?”

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Yohanes 12:16

An tutuw i Yesus muntep an Yerusalem makalukut am bawo i celedai wo'bas, sé murit-Na ra'ipé' makailek ing kaangéan im pakasa eng kamamualian itu. Taan kekawus i Yesus tinou sumawel am papaté wo iparayo-rayo wo pasiri-siriin, kata'néiano éra pakasa sé imamualio a si Yesus itu wo kinailekano éra e nats itu aipatico ang Kitap Le'nas.

Yohanes 14:26

Taan si Matawang si yutus oka mai i Amang-Ku ai camu en sumawel Yaku, Siao si Roh Le'nas. Sa Sia maai, isusui-Na oka em baya-waya ai camu wo ita'néi-Na ai camu im baya sé aicua-Kuo ai camu.

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

Yohanes 2:17

Wo sé murit i Yesus makata'néi sapaoka ang Kitap Le'nas awéan en aipatic in tana'i, “En upus-Ku asi Walé i Amang Kasuruan wangko' keli, tanuoka api maembung an até-Ku.”

Yohanes 2:2

Si Yesus wo sé murit-Na nienot ka'i mai am pésta kawéng itu.

Kisah Para Rasul 11:16

Keséré in itu, kata'néiankuo en aicua i Apo' Yesus, ‘Si Yohanes Mabaptis mengabaptis in tou maké in dano, taan kamu baptisen oka i Roh Le'nas.’

Kisah Para Rasul 13:33

En janji itu linekep-Nao ai cita ang karapi in tumou sumawel si Yesus am papaté. En itu puté wo si aipatic ang kitap Mazmur karua: ‘Icoo si Toyaang-Ku! Asi endo anio' Yaku imamualio Amang-Mu.’