Yohanes 2:2 - En Taar Weru a nunuwu' é Tontemboan

² Si Yesus wo sé murit-Na nienot ka'i mai am pésta kawéng itu.

Yohanes 2:2 ပူးပေါင်းရင်းမြစ်များ

Matius 12:19

Sia ra'ica kawisa meindoan roma' wo ra'ica kawisa maangko', wo ra'ica kawisa ka'i lingan é tou Sia manuwu' an lala-lalan.

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Matius 25:45

Isowat-Na oka ai séra in tana'i, ‘En ulitna icua-Ku mangé ai camu, an tutuw iow ra'ica itumawang esaan asé poo-poow-Ku si ipawawa-wawa', en itu meputé kamu ra'ica itumawang Yaku.

Yohanes 2:12

Kumawus in itu si Yesus mangé ang Kapernaum mewali-wali wo si inang-Na, tua-tuari-Na tuama wo sé murit-Na. Séra mento' am bitu wayake' im pira ngando.

Yohanes 2:17

Wo sé murit i Yesus makata'néi sapaoka ang Kitap Le'nas awéan en aipatic in tana'i, “En upus-Ku asi Walé i Amang Kasuruan wangko' keli, tanuoka api maembung an até-Ku.”

Yohanes 2:22

Ampa'paano in itu, an tutuw i Yesus tinou sumawel an uner é tou imaté, kata'néiano é murit-Na sapaoka en itu sumangkumo aicuana-Na. Wo percayan érao ka'i sapa sé aipatic ang Kitap Le'nas wo e nunuwu' sé aicuao i Yesus.

Yohanes 2:3

Em pésta ra'ipé' icumawus taan en anggor maka'puo. Wo icua i inang i Yesus ai Sia, “Séra kinaka'puano in anggor.”

Yohanes 3:22

Kumawus in itu, si Yesus wo sé murit-Na tumela'u in Yerusalem wo mangé an tampa walina an Yudea. Sia mento' a mangé mbitu mewali-wali wo iséra wona' pira témpoke' eng kauréna wo mengabaptis sé tou.

Yohanes 4:2

(Mandé ka'i lininga éra en abar itu, taan em butulna ra'- ica si Yesus si mengabaptis taan sé murit-Na e mengabaptis.)

Yohanes 4:33

Kelinga éra in itu sé murit-Na membum-buéian, “Awéan réén tou si maalio mai ing kakanen ai Sia?”

Yohanes 4:8

Ampa'paan sé murit-murit-Na mangém ang kota en tumeles kakanen.

Yohanes 6:12

An tutuw éra im baya imawesuo, icua i Yesus a sé murit-Na, “Umungeno mio' sé kakanen matela'u wosama' ra'ica wana en catiya'.”

Yohanes 6:16

An tutuw tumo'tolo mawengi, sé murit i Yesus maio'pé' an lour.

Yohanes 6:60

Keli tou an uner é makii-kiit si Yesus iluminga sapa si pakua-Na itu wo séra mengkung-kuanan, “En sususuien anio' taloso uter. Ra'ica wana tou e makawoo kumiit in sususuien anio'.”

Yohanes 6:66

Tumo'tolai asi oras itu, keli en tou sé mengakiit si Yesus tumela'u Sia, wo ra'io kiim ka'i kumiit Sia.

Yohanes 6:67

Wo icua i Yesus a sé sangapulu' rua murit-Na, “Itela'u ka'i réén iow Aku?”

Yohanes 6:70

Icua i Yesus, “Ra'ica réén Yakuo in esa en sumisir camu sangapulu' rua tou mamuali murit-Ku? Taan si esaan ai camu, sia itu makiit ing kasalé'an i kikiiten é sétang.”

Yohanes 6:71

Em peangé-angén i Yesus itu si Yudas, si toyaang i Simon Iskariot. Ampa'paan si Yudas en sumarakan oka si Yesus a sé kaséké', mandé ka'i sia itu esaan tou asé sangapulu' rua murit-Na.

Yohanes 6:8

Awéan esa asé murit i Yesus, makangaran Andreas, sia itu tuari i Simon Petrus. Icuana in tana'i a si Yesus,

Yohanes 7:3

Anaé, icua é poo-poow i Yesus ai Sia, “Lébé loor itela'u-Mu en tampa anio' wo Ko mangé an Yudea en tuma'néi in endo wangko', wosama' sé tou mengakiit ai Co ro'na suméré ka'i in tawoien sé émaan-Mu sa.

Kisah Para Rasul 11:26

Wo sia meta'up wo si Saulus, kumawus in itu iwalina si Saulus an Antiokhia. Séra in dua mento' mewali-wali wo sé jamaat a mangé mbitu sangata'un eng kauréna. Séra ka'i mengasusui a sé tou keli andumoro' i Yesus. An Antiokhia anioo sé tou makiit in sususuien i Yesus kumataré-taré patuulen Krésten.

Kisah Para Rasul 11:29

Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

1 Korintus 10:31

Anaé, sapa-sapake' en émaan iow, eng kanen iow kuma'pa en elepen iow, émaano mangé em pakasa in itu asaloke' i rumayo wo sumiri' si Amang Kasuruan.

1 Korintus 7:39

Si wéwéné kinawéngo ra'ica toro kawéngen é tuama walina, ang kauré si penanaanna menonoué'. Sa si penanaanna imatéo, sia ro'nao kumawéng ang karapi i tuama si icasalé'na si esa paémanen a si Kristus.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Ibrani 13:4

Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.

Wahyu 3:20

Séréno! Yaku makatulung an dior im papalen wo tuméngkor. Sa awéan tou luminga in suara-Ku wo muka' im papalen, muntep oka Aku meta'up wo isia, wo kuman mewali-wali wo isia, wo sia kuman mewali-wali wo Yaku.