Yohanes 2:16 - En Taar Weru a nunuwu' é Tontemboan

¹⁶ Wo icua i Yesus a sé mawangkér sé mombo, “Paalin wo icesot waya sé mombo wo en lalandangan. Tioo émaan iow em Balé i Amang-Ku mamuali pawangkéran.”

Yohanes 2:16 ပူးပေါင်းရင်းမြစ်များ

Matius 21:12

Wo si Yesus muntep ang kintal im Balé Le'nas. Am bitu sérén-Na sé tou mawangkér wo mateles, wo yusér-Na séra. Iwalintuang-Na e méja-méja pasawelan éra in doit wo em palukutan é mawangkér sé mombo.

Matius 21:13

Wo icua-Na ai séra, “Ang Kitap Le'nas awéan en aipatic in tana'i, ‘Em balé-Ku patuulen oka é tou walé pengasombayangan.’ Taan niéma'o miow tampa mauwak sé tou!”

Matius 22:5

Taan ra'ica pinandung é tou nienot itu. Awéan sé imangéke' itumawoi an uma wo sé walina ka'i imangéke' murus im paraméjian éra i esa wo si esa.

Markus 11:17

Wo Sia sumusui ai séra, icua-Na, “Ang Kitap Le'nas aipatic in tana'i, ‘Em balé-Ku patuulen oka é tou walé pengasombayangan é pakasa im bangsa.’ Taan niéma'o miow tampa mengauwak sé tou!”

Lukas 2:49

Taan aisowat-Na ai séra in tana'i, “Kéitu réén si amang wo si inang maéré-éré Yaku? Ra'ica réén kailekan i amang wo si inang sapaoka Aku musti am balé i Amang-Ku?”

Yohanes 10:29

Séra aiwééo mai i Amang-Ku a Yaku. Si Amang-Ku lébé' wangko' mai asé im pakasa, wo ra'ica ka'i wana esaan tou e ro'na mandét iséra ang kama i Amang-Ku.

Yohanes 2:15

Wo si Yesus méma' in sambok an tali owo wo yusér-Na waya sé tou, sé domba wo sé sapi éra, icesot waya ang kintal im Balé Le'nas. Iwali-walintuang-Na ka'i e méja pengasawelan in doit, akar en doit éra imerar ra'io metu'tul.

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Yohanes 5:17

Taan icua i Yesus ai séra, “Si Amang-Ku menawo-nawoi akar intarépé', taniitu ka'i Aku menawo-nawoi.”

Yohanes 8:49

Isowat i Yesus ai séra, “Yaku ra'ica rinasuk i sétang, Yaku mengasiri' si Amang-Ku, taan Aku ra'ica pengasiriin iow.

1 Timotius 6:5

meindo-indoan roma', mawasa-wasa sé ra'ica loor wo ra'io makailek in sususuien wutul. Pawerotenna sa sia mengaapo' a si Amang Kasuruan, sia ro'na masiya'.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.