Yohanes 2:15 - En Taar Weru a nunuwu' é Tontemboan

¹⁵ Wo si Yesus méma' in sambok an tali owo wo yusér-Na waya sé tou, sé domba wo sé sapi éra, icesot waya ang kintal im Balé Le'nas. Iwali-walintuang-Na ka'i e méja pengasawelan in doit, akar en doit éra imerar ra'io metu'tul.

Yohanes 2:15 ပူးပေါင်းရင်းမြစ်များ

Matius 21:12

Wo si Yesus muntep ang kintal im Balé Le'nas. Am bitu sérén-Na sé tou mawangkér wo mateles, wo yusér-Na séra. Iwalintuang-Na e méja-méja pasawelan éra in doit wo em palukutan é mawangkér sé mombo.

Yohanes 18:6

An tutuw i Yesus icumua ai séra, “Yakuo Sia,” séra im baya aicaundur wo care'ba an tana'.

Yohanes 2:14

Ang kintal im Balé Le'nas, kaséréan-Na awéan tou sé mawangkér sapi, domba, wo mombo. Wo awéan ka'i sé tou makalukut an somoi i méja-méja pengasawelan in doit am bitu.

Yohanes 2:16

Wo icua i Yesus a sé mawangkér sé mombo, “Paalin wo icesot waya sé mombo wo en lalandangan. Tioo émaan iow em Balé i Amang-Ku mamuali pawangkéran.”

Kisah Para Rasul 27:32

Kelinga in itu wo pokolen é suraro itu en tali in londéi teké' itu wo iwaya éra iwali in aros.

2 Korintus 10:4

Em pakakas paperang sé pengapakén ami ra'ica pakakas paperang asi cayo'baan anio' owo, taan em pakakas paperang asi Amang Kasuruan si makakawasa. Wo ang karapi im pakakas paperang itu tongkaren ami em bénténg-bénténg.