Yohanes 2:11 - En Taar Weru a nunuwu' é Tontemboan

¹¹ Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

Yohanes 2:11 ပူးပေါင်းရင်းမြစ်များ

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Yohanes 1:43

Asi woondona mai si Yesus musé' e maangé an sangkum ing Galilea. Taan Sia mangé meta'up owo wo si Filipus, icua-Na ai sia, “Mayo kumiito mai Yaku.”

Yohanes 1:50

Isowat i Yesus, “Aicua-Kuo ai co sapaoka ko sinéré-Kuo an darem é panga-pangana in tuura in ara. Ampa'paano réén in itu wo ko maéman a Yaku? Sangkumen iow oka sé kamamualian si lébé wangko' mai wo siitu.”

Yohanes 10:41

Keli en tou sé mai a si Yesus wo séra mengkuanan, “Si Yohanes ra'ica iméma' ing kakaya'kaan, taan wutul waya sé aicua i Yohanes andumoro' i Yesus.”

Yohanes 11:15

Taan Aku arui ra'ica a mangé mbitu asi témpo itu, ampa'paan awéan en untungna ai camu. Ampa'paan, awéan oka e mamuali si méma' icamu lébé maéman a Yaku. Anaé, intarépé' mayoo angénta a si Lazarus.”

Yohanes 11:47

Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.

Yohanes 12:18

Ampa'paan in ituo keli en tou mangé sumungkul si Yesus, ampa'paan lininga éra andumoro' in tuus kakaya'kaan itu.

Yohanes 12:37

Mandé ka'i kelio eng kakaya'kaan niéma' i Yesus an dior é tou Yahudi, taan Sia ra'ica émanen éra.

Yohanes 12:41

Aicua i Yesaya in taniitu, ampa'paan indior sinérénao eng kawangko' i Yesus, wo ipengua-nguanao andumoro' Sia.

Yohanes 14:13

Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

Yohanes 16:27

ampa'paan si Amang in esa mengaupus icamu. Sia mengaupus icamu, ampa'paan Aku icaupus iow wo paémanen iow sapaoka Aku mai asi Amang Kasuruan owo.

Yohanes 16:30

Intarépé' kailekan ami sapaoka si Guru makailek im baya-waya, wo ra'io sangali sé tou mamuéi sapa-sapa a si Guru. Ampa'paan in ituo percayan ami si Guru imai asi Amang Kasuruan owo.”

Yohanes 2:1

Asi endo katelu awéan pésta kawéng ang Kana an sangkum ing Galilea. Wo si inang i Yesus mai am bitu.

Yohanes 2:23

Wo ang karoro'an i Yesus an Yerusalem ang kauréke' in endo wangko' Paska, keli tou maéman ai Sia ampa'paan séra isuméréo in tuu-tuus kakaya'kaan sé niéma'-Na.

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Yohanes 4:3

An tutuw ing kailekano i Yesus sapaoka sé tou Yahudi ang golongan Farisi ilumingao in abar itu, itela'u-Na en Yudea wo maréng angé an sangkum ing Galilea.

Yohanes 4:46

Wo si Yesus mai sumawel ang kota Kana ang Galilea. Am bitu Sia sumangkumo méma' in dano mamuali anggor. Eng Kana mentawian wo eng kota Kapernaum. Asi témpo itu ang Kapernaum awéan esa toyaang tuama sumakit, toyaang i matawoi an istana.

Yohanes 4:54

Siituo eng kakaya'kaan karua si niéma' i Yesus ang Galilea kekawus-Na imaréngai an Yudea owo.

Yohanes 5:23

Niéma' i Amang taniitu wosama' pakasa en tou sumiri' si Toyaang-Na kaputé éra sumiri' si Amang. Si séike' si ra'ica sumiri' si Toyaang-Na, sia ka'i ra'ica sumiri' si Amang si mutusai si Toyaang.

Yohanes 6:14

An tutuw é tou itu isuméré in tuus kakaya'kaan niéma' i Yesus, icua éra, “Sia anio' wutu-wutul Nabi i Amang Kasuruan si aijanjio maai ang kayo'baan anio'!”

Yohanes 6:2

Am bisa-wisake' en angéan-Na keli sé tou mengi-ngiit Sia, ampa'paan sinéréo éra eng kakaya'kaan sé niéma'-Na a sé tou sumakit akar séra imasama'o.

Yohanes 6:26

Wo isowat i Yesus ai séra, “En ulitna icua-Ku mangé ai camu, pinangéré miow Aku ra'ica ampa'paan sinéréo miow en tuu-tuus kakaya'kaan si niéma'-Ku wo makailek sa si séi réén Aku, taan pinangéré miow Aku ampa'paan kamu icumano i roti itu akar mawesu.

Yohanes 6:30

Wo icua éra ai Sia, “Sa taniitu, sapa en tuus si ro'na ipapaturu' ai cami wosama' kami ro'na mercaya sa si Guru itu asi Amang Kasuruan owo. Wo tuus sapa en émaan oka i Guru?

Yohanes 7:31

Taan an uner é tou keli itu kelio sé mato'tolo maéman a si Yesus, wo ipakua éra, “Sia anio' wutu-wutul Kristus, Kolano Lumolowir, ampa'paan ra'ica wana tou e ro'na méma' tuus kakaya'kaan en lébé keli mai wo sé niéma' i Tou anio'.”

Yohanes 9:16

Wo icua é piraan tou Farisi walina, “Si tou mengaéma' in itu, ra'ica asi Amang Kasuruan owo, ampa'paan sia ra'ica makiit in atoran in endo Sabat.” Taan icua é tou walina, “Si tou anio' ra'ica tou iméma' ing kamesé-meséaan. Ampa'paan sé tou iméma' ing kamesé-meséaan ra'ica kaémaan éra en tuus kakaya'kaan tanu siitu.” Wo iséra wo iséra ra'io mengkakiitan.

2 Korintus 3:18

Intarépé' en amota im baya ra'io pakatutuwan ing kaéng wo icita masendot in télang i Casuruan. Wo ampa'paano in itu icita peroba-roban mamuali tanu Sia, menguré-uré icita makatélango. Eng katélang itu asi Casuruan owo, Siao e Roh.

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

1 Yohanes 5:13

Aipaticku waya en itu ai camu sé maéman a si Toyaang i Amang Kasuruan, wosama' kakailekan iow sa kinéréano miow eng katouan akar ing kauré-uré.