Yohanes 19:9 - En Taar Weru a nunuwu' é Tontemboan

⁹ Wo sia muntep sumawel an istana itu, wo kumua a si Yesus, “Am bisa owo réén Ko mai?” Taan ra'ica wana sapa-sapa en aisowat i Yesus ai sia.

Yohanes 19:9 ပူးပေါင်းရင်းမြစ်များ

Matius 26:63

Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Matius 27:27

Kumawus in itu, si Yesus iwali é suraro i Pilatus an istana i gubernur. Wo towan éra waya sé suraro mali'us lumi'cir si Yesus.

Lukas 23:9

Wo si Herodes méé keli wuwuéien a si Yesus, taan si Yesus makapeneske'.

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Yohanes 18:33

Wo si Pilatus muntep sumawel an untep in istana gubernur, wo towanna si Yesus wo wuéienna, “Icoo réén si colano é tou Yahudi?”

Yohanes 18:34

Isowat i Yesus, “Em binuéimu itu an atému owo in esa, kuma'pa awéan tou walina en icumua ai co andumoro' Yaku?”

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Yohanes 19:10

Wo icua i Pilatus ai Sia, “Kéitu réén Ko ra'ica kiim rumoma' a yaku? Ra'ica réén kailekan-Mu, yaku awéan kawasa e mekar Ico wo ka'i awéan kawasa en sumalip Ico?”

Yohanes 19:8

Tutuw i Pilatus luminga sapa em ipakua éra itu, makaaweso eng kaindé'anna.

Yohanes 8:14

Isowat i Yesus ai séra, “Mandé ka'i ra'ica wana tou walina e mamuali sairi eng kumeter ing kasairian-Ku anio', eng kasairian-Ku itu wutul. Ampa'paan kailekan-Ku am bisa owo Aku mai wo am bisa en angéan-Ku. Taan ra'ica kailekan iow am bisa owo Aku mai wo am bisa en angéan-Ku.

Filipi 1:28

Kamu ra'ica toro maindé' a sé tou sé mengasundur icamu. Sa kamu ra'ica maindé', kailekan éra oka sapaoka sérao sé ukumen patén wo icamuo sé lowiren oka i Amang Kasuruan.