Yohanes 19:41 - En Taar Weru a nunuwu' é Tontemboan

⁴¹ An duru in tampa i Yesus aisalip, awéan esa uma. An uner in uma itu awéan esa kubur werupé' wo ra'ipé' pinaké.

Yohanes 19:41 ပူးပေါင်းရင်းမြစ်များ

Matius 27:60

Wo mangéna icubur e mayat i Yesus am bo'bok si aiwu'bu' asi tolaina wawatuan. Eng kubur itu anu i Yusuf wo pakaémaané'. Wo wiléina esa watu wangker em pénet ing kubur itu, wo tela'una en tampa itu.

Lukas 23:53

Wo énan i Pilatus. Kumawus in itu sia mangé wo mangé tumpana e mayat i Yesus an salip wo saputenna ing kaéng lénen. Wo tekelna ang kubur, am bo'bok an tolaina wawatuan. Eng kubur itu ra'ipé' sumangkum winetaan i mayat.

Yohanes 19:42

Anaé, ampa'paan in tawio tumo'tol en endo Sabat wo eng kubur itu tawike', icubur éra e mayat i Yesus am bitu.

Yohanes 20:15

Wo icua i Yesus a si Maria, “Inang, kéitu réén ko maamé'? Si séi réén em paéré-érénmu?” Paweroten i Maria si tou itu mengatéir in taman, wo icua i Maria, “Tuang, sa si tuang e mindo i mayat-Na, icuao mai a yaku am bisa winetaanmu Sia, wosama' Sia ro'na indonku.”