Yohanes 19:40 - En Taar Weru a nunuwu' é Tontemboan

⁴⁰ Wo indon éra e mayat i Yesus, wo saputen éra ing kaéng lénen wo kisun éra in solo mawou manam itu, ciit ing kanaramen é tou Yahudi mengakubur i mayat.

Yohanes 19:40 ပူးပေါင်းရင်းမြစ်များ

Matius 26:12

Ampa'paan an tutuw sia numaam in solo an owak-Ku, meputéo sia tumu'tulo in owak-Ku en icubur.

Markus 14:8

Si wéwéné anio' iméma'o sapa si ro'na émaanna. Ninaamnao in solo mawou manam en owak-Ku, tanu tumu'tulo i mayat-Ku e mangé icubur.

Lukas 24:12

Mandé in taniitu, si Petrus makala'us tumulung wo tuméron angé ang kubur itu. Icateka' mangé am bitu, sia kumuru wo suméré in an untep, sérénna waya oka ing kaéng si pinaké aisaput a mayat i Yesus. Wo sia maréng sumawel wo memué-muéi an untep in aténa, ‘Sapa réén si mamualio?’

Yohanes 11:44

Wo si Lazarus si matéo itu kumesotai ang kubur itu. Eng kama wo eng kécéina pakawe'berené' ing kaéng kafan, wo en amona pakatutuwen ing kaéng limuut. Icua i Yesus ai séra, “Wukaano eng kaéng kafan itu wosama' sia ro'na maya'.”

Yohanes 12:7

Taan icua i Yesus, “Iwayao mio' si Maria méma' in taniitu a Yaku! Niéma'na en itu en tumu'tul in endo Yaku icubur sa.

Kisah Para Rasul 5:6

Wo mai sé piraan mangalitou wo saputen éra ing kaéng e mayat i Ananias. Wuléngen éra kumesot wo mangé icubur.