Yohanes 19:35 - En Taar Weru a nunuwu' é Tontemboan

³⁵ Si tou en suméré ing kamamualian itu in esa, en icumua sapa en sinerénao, wo sé ipakuana itu wutul. Wo kailekanna sapaoka sia makua im butul wosama' percayaan iow.

Yohanes 19:35 ပူးပေါင်းရင်းမြစ်များ

Yohanes 11:15

Taan Aku arui ra'ica a mangé mbitu asi témpo itu, ampa'paan awéan en untungna ai camu. Ampa'paan, awéan oka e mamuali si méma' icamu lébé maéman a Yaku. Anaé, intarépé' mayoo angénta a si Lazarus.”

Yohanes 11:42

Kailekan-Ku pelinga-lingan i Amang en sombayang-Ku. Taan intarépé' icua-Ku tanu siitu ampa'paan keli sé tou makali'cir Yaku makalinga in sombayang-Ku. Icasalé'-Ku ro'na percayan éra sapaoka si Amango e mutusai Yaku.”

Yohanes 14:29

En itu ra'ipé' mamuali taan intarépé' aicua-Kuo em baya-waya ai camu, wosama' percayan iow oka mai an tutuw en itu mamuali.

Yohanes 15:27

Wo icamu ka'i musti méé ing kasairian a sé tou walina andumoro' Yaku, ampa'paan kamu mewali-walio wo Yaku tumo'tolke' mai asi kataré.”

Yohanes 19:26

An tutuw i Yesus makaséré si inang-Na wo si murit icaupus-Na makatulung an duruna, kumuao Sia a si inang-Na, “Inang, si anioo si toyaangmu!”

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yohanes 21:24

Si murit ituo si méé ing kasairian wo imatic andumoro' im pakasa in anio'. Wo kailekanta sapaoka eng kasairianna itu wutul.

Kisah Para Rasul 10:39

Icamio sé ruru'du'an i Yesus sé mamuali sairi im pakasa sé niéma'-Na an Yerusalem wo am pakasa in tana' paento'an é tou Yahudi. Wo pinaté éra Sia wo aipaku éra Sia ang kayu salip.

Roma 15:4

Pakasa en aipatic ang Kitap Le'nas indior en sumusui ai cita. Wo pakasa en sususuien an untepna aiwéé e méma' icita talesen wo méé ing kaketeran im paémanen, wosama' kita tatapke' i maarap a si Amang Kasuruan.

1 Petrus 5:1

Yaku ka'i penatua an jamaat kaputé miow. Yaku anio' sairi an tutuw i Kristus pengaokoien. Wo an tutuw i Kristus maai sumawel ang karapi i rarayo wo in sisiri'-Na, yaku icauntep asé tou sé makéré oka bagéan asi rarayo wo in sisiri' si ituru' oka itu. Anaé, sina'uenku kamu sé penatua katawoiku:

1 Yohanes 5:13

Aipaticku waya en itu ai camu sé maéman a si Toyaang i Amang Kasuruan, wosama' kakailekan iow sa kinéréano miow eng katouan akar ing kauré-uré.

3 Yohanes 1:12

Wo pakasa in tou rumayo si Demetrius. Wo sia patus irayo ampa'paan eng katouanna makiit in sususuien wutul. Iparayo ami ka'i sia wo kailekan iow sapaoka e rarayoan ami andumoro' sia itu wutul.