Yohanes 19:30 - En Taar Weru a nunuwu' é Tontemboan

³⁰ Keepé'-Na in anggor esem itu, icua-Na, “Malekepo!” Wo icuru-Na en do'kos wo isarakan-Na e mu'kur-Na.

Yohanes 19:30 ပူးပေါင်းရင်းမြစ်များ

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Matius 27:50

Wo si Yesus mangko' repet, kekawus in itu isarakan-Nao e mu'kur-Na.

Matius 3:15

Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.

Markus 15:37

Wo si Yesus mangko' repet, kekawus in itu Sia maté.

Lukas 22:37

Icua-Ku in taniitu ai camu, ampa'paan aipatico ang Kitap Le'nas andumoro' Yaku, en itu musti mamuali a Yaku. Tana'i e nats aipatic ang Kitap Le'nas, ‘Sia icauntep oka a sé tou léwo'.’ Anaé, sapa en aipatic andumoro' Yaku, asi oras anio' tumo'tolo mamuali.”

Lukas 23:46

Wo si Yesus kumua in taangko', “O Amang, ang kakawasaan-Muo, isarakan-Ku e mu'kur-Ku.” Kekawusai kumua in taniitu wo Sia maté.

Yohanes 10:11

Yakuo si gembala sama'. Si gembala sama' sumarakan in owakna en lumowir sé dombana.

Yohanes 10:18

Ra'ica ka'i wana esaan tou e ro'na maté Yaku, taan kasalé'an-Ku in esa en sumarakan in owak-Ku. Ampa'paan Aku awéan kawasa e méé in owak-Ku im patén, wo Yaku ka'i awéan kawasa en tumou sumawel in owak-Ku. Si Casuruan Amang-Ku e rumu'du'o Yaku méma' in itu.”

Yohanes 17:4

Si Amang iparayo wo pasiriin-Ku ang kayo'baan anio', ampa'paan pinakatawoi-Kuo waya sé airu'du' i Amang in émaan-Ku.

Yohanes 19:28

Kailekan i Yesus niéma'-Nao em baya-waya si musti émaan-Na, ampa'paan in itu icua-Na “Maré'omo Aku!” Wo in taniitu sapa sé aipatic ang Kitap Le'nas imamualio.

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Roma 10:4

Wo en ukum Torat linekepo i Kristus. Anaé, sa sé tou maéman ai Sia, séra nianggap wutul i Amang Kasuruan.

Roma 3:25

Sia ayutuso mai i Amang Kasuruan ang kayo'baan wosama' makéré ukuman; maté wo en enda'-Na makatiti-titis. Niéma'-Na in taniitu wosama' em papaté i Yesus itu méma' sé tou ro'na icawekar ang kamesé-meséaan sa séra maéman ai Sia wo séra nianggap wutul i Amang Kasuruan. Si Amang Kasuruan méma' in taniitu en tumuru' sapaoka Sia ra'ica marapit. Ampa'paan indior Sia talesen makaséré sé tou mengéma-ngéma' ing kamesé-meséaan akar séra ra'ica ukumen-Na.

1 Korintus 5:7

Ampa'paan in ituo itiya'o mio' si ragi uré itu, si ragi ing kamesé-meséaan iow, wosama' kamu mamuali tanuoka in adonan weru, ampa'paan kamu ulit tanuoka in adonan ra'ica rinagian. Ampa'paan si Kristus, si ana' i domba Paska pinaté tanu raragésan en tumu'bus ing kameséaanta.

Filipi 2:8

An tutuw Sia mamuali tou, iwawa'-Na en owak-Na wo le'tek a si Amang Kasuruan akar imaté, wo akar imaté ang kayu salip.

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

Ibrani 9:22

Iciit in ukum Torat, misio pakasa im pakakas le'nasen in enda'. Wo sa ra'ica wana enda' e makatiti-titis, ra'ica wana kaampungan ing kamesé-meséaan é tou.