Yohanes 19:29 - En Taar Weru a nunuwu' é Tontemboan

²⁹ Am bitu awéan esa tampayang wuta in anggor esem. Itopok éra em bungang ing karang asi pangana in hisop, wo ito'to' éra an anggor esem wo iwéé éra mangé am ba'ba' i Yesus.

Yohanes 19:29 ပူးပေါင်းရင်းမြစ်များ

Matius 27:34

Am bitu Sia wéan éra elepen anggor kinemu in aperu. An tutuw kananaman-Nao en anggor itu, ra'ica kiim-Na melep.

Matius 27:48

Wo awéan esa tou ai séra mario-riorai mindo im bungang karang si bungang meputé wo ing kapés, ramesenna in anggor esem wo itopokna an tempok i rondora in saraw wo iwééna mangé am ba'ba' i Yesus en se'sepen-Na.

Matius 27:50

Wo si Yesus mangko' repet, kekawus in itu isarakan-Nao e mu'kur-Na.

Markus 15:36

Wo awéan esa tou mario-rior mindo im bungang karang si bungang meputé wo ing kapés, ramesenna in anggor esem wo itopokna an tempok i rondora in saraw wo iwééna mangé am ba'ba' i Yesus en se'sepen-Na. Wo si tou itu kumua, “Mandéo kita mento' wo suméré, séi si makailek si Elia maai en tumumpa Sia.”

Lukas 23:36

Sé suraro ka'i mengara'i-ra'i Sia. Séra rumuru mangé ai Sia wo wéan éra mangé elepen anggor esem Sia,