Yohanes 19:28 - En Taar Weru a nunuwu' é Tontemboan

²⁸ Kailekan i Yesus niéma'-Nao em baya-waya si musti émaan-Na, ampa'paan in itu icua-Na “Maré'omo Aku!” Wo in taniitu sapa sé aipatic ang Kitap Le'nas imamualio.

Yohanes 19:28 ပူးပေါင်းရင်းမြစ်များ

Lukas 12:50

Sangkumen-Ku oka eng kawenduan uter akar Aku maté wo Aku ra'- ica makaaté in sama' sa en itu ra'ipé' mamuali.

Lukas 18:31

Li'usen i Yesus sé sangapulu' rua murit-Na wo icua-Na ai séra: “Intarépé' kita maangé an Yerusalem wo pakasa sé aipatic é nabi andumoro' si Toyaang i Tou, mamuali oka a Yaku a mangé mbitu.

Lukas 22:37

Icua-Ku in taniitu ai camu, ampa'paan aipatico ang Kitap Le'nas andumoro' Yaku, en itu musti mamuali a Yaku. Tana'i e nats aipatic ang Kitap Le'nas, ‘Sia icauntep oka a sé tou léwo'.’ Anaé, sapa en aipatic andumoro' Yaku, asi oras anio' tumo'tolo mamuali.”

Lukas 9:31

Séra in dua mapaturu' in owak, kaséréan menéla-nélap. Séra mapaar ang karapi-Na andumoro' im papaté si sangkumen-Na oka an Yerusalem.

Yohanes 13:1

Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 17:4

Si Amang iparayo wo pasiriin-Ku ang kayo'baan anio', ampa'paan pinakatawoi-Kuo waya sé airu'du' i Amang in émaan-Ku.

Yohanes 18:4

Kailekano i Yesus pakasa sé mamuali oka an owak-Na, ampa'paan in ituo Sia rumior angé wo sumusut iséra. Wuéien-Na, “Si séi réén si paéré-érén iow?”

Yohanes 19:24

Ampa'paan in ituo séra mengkuanan a si esa wo sé walina, “Ra'ica toro pewéténgenta eng karai anio' mamuali piraan ngapokol, taan lébé loor taré lotréientao en tumantu si séi e makéré.” Wo in taniitu malekepo sapa sé aipatic ang Kitap Le'nas, “Winété-wéténg éra eng karai-Ku a si esa wo se walina, wo lotréien éra si séi e makéré in juba-Ku.” Siituo e niéma' é suraro itu.

Yohanes 19:30

Keepé'-Na in anggor esem itu, icua-Na, “Malekepo!” Wo icuru-Na en do'kos wo isarakan-Na e mu'kur-Na.

Yohanes 19:36

En itu mamuali wosama' malekepo sapa sé aipatic ang Kitap Le'nas, “Ra'ica wana en du'i-Na sé lentuun oka.”

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Kisah Para Rasul 13:29

Wo an tutuw niéma'o éra waya en aicua é nabi andumoro' Sia, wo tumpa éra Sia ang kayu salip wo mangé éra icubur.