Yohanes 19:18 - En Taar Weru a nunuwu' é Tontemboan

¹⁸ Asi tampa ituo Sia aisalip éra. Awéan ka'i rua tou walina sé aisalip mewali-wali wo si Yesus, si esa ang ka'biri si esa ang kakan, si Yesus an uner éra.

Yohanes 19:18 ပူးပေါင်းရင်းမြစ်များ

Matius 27:44

Taniitu ka'i sé rua tou léwo' sé aisalip mewali-wali wo Sia, séra maséro' tanu siitu ai Sia.

Yohanes 18:32

Aicua éra in taniitu wosama' lekepen en aicua i Yesus sa tumambisa Sia maté.

Yohanes 19:32

Wo mai sé suraro. Lentuun éra eng kécéi é rua tou sé aisalip mewali-wali wo si Yesus.

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Galatia 3:13

Si Kristus itumu'buso icita asi kutuk in ukum Torat. Ampa'paan tutuw Sia aisalip, tinanggong-Nao eng kutuk itu sawel icita. Awéan en aipatic, “Si tou niukum im patén wo airantong ang kayu salip, sia itu kaputé i makéré in ukuman patén i Amang Kasuruan.”

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.